മുസ്ലീംലീഗിനെതിരേയും മന്ത്രി ഗണേഷ് കുമാറിനെതിരേയും രൂക്ഷ വിമര്‍ശനവുമായി എസ്എന്‍ഡിപി ജനറല്‍ സെക്രട്ടറി വെള്ളാപ്പള്ളി നടേശന്‍ രംഗത്ത്

കൊല്ലം : മുസ്ലിം ലീഗിനെതിരെയും ഗതാഗത മന്ത്രി ഗണേഷ്കുമാറിനെതിരെയും രൂക്ഷമായ വിമർശനവുമായി എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ.

മുസ്ലീംലീഗ് വർഗീയ പാർട്ടിയാണെന്നും വർണ കടലാസിൽ പൊതിഞ്ഞ പൊട്ടാസ്യം സയനൈഡ് ആണെന്നുംഗണേഷ് കുമാർ തറ മന്ത്രിയാണെന്നായിരുന്നു വെള്ളാപ്പള്ളിയുടെ രൂക്ഷമായ ആക്ഷേപം. കൊല്ലം പുനലൂരിൽ എസ്എൻഡിപി നേതൃസംഗമത്തിൽ സംസാരിക്കുമ്പോഴായിരുന്നു വെള്ളാപ്പള്ളി നടേശൻ ഇത്തരത്തിലുള്ള വർഗീയ വിമർശനങ്ങൾ ഉന്നയിച്ചത് .

ചൂടുകാലത്ത് കുടിക്കാൻ വെച്ച വെള്ളം ബസിൽ നിന്ന് പിടിച്ചിട്ട് ഗമ കാണിക്കുകയാണ് ഗണേഷ് കുമാർ. കെഎസ്ആർടിസിയിൽ തുഗ്ലക് ഭരണമായെന്നും വെള്ളാപ്പള്ളി വിമർശിച്ചു .

 മുസ്ലിം ലീഗുകാർക്ക് മനുഷ്യത്വമില്ല. അവർക്കാണോ നമ്മൾ വോട്ടു കൊടുക്കേണ്ടത്.

 അവരുടെ കൂട്ടു പിടിച്ചു നിൽക്കുന്നവരെ ജയിപ്പിച്ചാൽ നമ്മുടെ സ്ഥിതി എന്താകുമെന്നും വെള്ളാപ്പള്ളി ചോദിച്ചു.

മുസ്ലീംലീഗിന്റെ ഭരണം വന്നാൽ നമ്മൾ നാടുവിടേണ്ടി വരും. നമ്മൾ ആത്മഹത്യ ചെയ്യേണ്ടി വരും. പേരിൽ തന്നെ മുസ്ലീം കൂട്ടായ്മയാണ്.

എന്നിട്ട് മതേതര കൂട്ടായ്മയെന്ന് പറയും. മുസ്ലീം അല്ലാത്ത ഒരു എംഎൽഎ മുസ്ലീംലീഗിൽ ഉണ്ടോയെന്നും അവരുടെ കൂട്ടു പിടിച്ചു നിൽക്കുന്നവരെ ജയിപ്പിച്ചാൽ നമ്മുടെ സ്ഥിതി എന്താകുമെന്നും വെള്ളാപ്പള്ളി ചോദിച്ചു.

വളരെനാളുകളായി വെള്ളാപ്പള്ളി ഇത്തരത്തിലുള്ള വർഗീയമായ ജാതി അധിക്ഷേപങ്ങളും വെക്തി അധിക്ഷേപങ്ങളായും നടത്തി വരുകയാണ് .ഇതിനെതിരെ ശക്തമായ വിമർശനങ്ങളും സമൂഹത്തിൽ ഉയർന്നു വരുന്നുണ്ട് .

എന്നാൽ തനിക്ക് ശരിയെന്നു തോന്നുന്ന നിലപാടുകൾ മുന്നും പിന്നും നോക്കാതെ തുറന്നു പറയുക എന്ന ഉറച്ച നിലപാടിൽ തന്നെയാണ് വെള്ളാപ്പള്ളി ഇപ്പോഴും .