പൊട്ടിയ മദ്യക്കുപ്പി കൊണ്ട് അമ്മയെ കഴുത്തറുത്ത്‌ കൊന്ന മകൻ അറസ്റ്റിൽ

തിരുവനന്തപുരം: കല്ലിയൂരിൽ  പൊട്ടിയ മദ്യക്കുപ്പിയുടെ ഭാഗം ഉപയോഗിച്ച് മകൻ അമ്മയെ കഴുത്തറുത്ത് കൊന്നു.

74 കാരിയായ വിജയകുമാരിയാണ് കൊല്ലപ്പെട്ടത്.

 മകൻ അജയകുമാറിനെ പോലീസ് കസ്റ്റഡിയിലെടുത്തു.

 ബുധനാഴ്ച രാത്രി 11.45 ഓടെയാണ് സംഭവം. മുൻ സർക്കാർ ജീവനക്കാരിയാണ് കൊല്ലപ്പെട്ട വിജയകുമാരി. മുൻ കോസ്റ്റ്ഗാർഡ് ഉദ്യോഗസ്ഥനാണ് മകൻ അജയകുമാർ.

രാത്രി വീട്ടിലിരുന്ന് മദ്യപിക്കുന്നതിനിടെ മദ്യക്കുപ്പി നിലത്തുവീണ് പൊട്ടി.

 ഈ വിഷയത്തിൽ ഉണ്ടായ തർക്കമാണ് കൊലപാതകത്തിൽ കലാശിച്ചതെന്നാണ് വിവരം.

വീട്ടിലിരുന്ന് മദ്യപിക്കുന്നത് വിജയകുമാരി ചോദ്യം ചെയ്തതോടെ പ്രകോപിതനായ അജയകുമാർ പൊട്ടിയ മദ്യക്കുപ്പിയുടെ ഭാഗമുപയോഗിച്ച് വിജയകുമാരിയുടെ കഴുത്തിൽ കുത്തുകയായിരുന്നുവെന്നാണ് വിവരം.

സംഭവ സ്ഥലത്തുനിന്ന് തന്നെ വിജയകുമാരി മരിച്ചുവെന്നാണ് വിവരം.

 ഭാര്യയുമായി അകന്നതിന് ശേഷം അമ്മയോടൊപ്പമാണ് അജയകുമാർ താമസിച്ചിരുന്നത്.