ശബരിമല പഴയ കൊടിമരത്തിലെ വാജിവാഹനം തിരിച്ചെടുക്കണമെന്ന് ആവശ്യപ്പെട്ട് ദേവസ്വം ബോർഡിന് കത്ത് നൽകി തന്ത്രി കണ്ഠരര് രാജീവര്

പത്തനംതിട്ട: ശബരിമലയിലെ  പഴയ കൊടിമരത്തിലെ വാജിവാഹനം തിരികെ വാങ്ങണമെന്ന ആവശ്യവുമായി  ശബരിമല എക്സിക്യൂട്ടീവ് ഓഫീസർക്ക് കത്ത് നൽകി  തന്ത്രി കണ്ഠരര് രാജീവര്.

 ഒക്ടോബർ 11നാണ് ദേവസ്വം ബോർഡിനെ ഇത്തരം ആവശ്യവുമായി  സമീപിച്ചത്. കുറച്ചു നാളുകളായി ശബരിമലയിൽ നടക്കുന്ന വിവാദങ്ങളുടെ പശ്ചാത്തലത്തിലാണ് ഇത്തരത്തിലുള്ള  തീരുമാനം.

വാജി വാഹന വിഷയം മുൻനിർത്തി അടുത്തമാസം തന്ത്രിയുടെ വീട്ടിലേക്ക് ചില ഹൈന്ദവ സംഘടനകൾ പ്രതിഷേധ മാർച്ച് പ്രഖ്യാപിച്ചതിനു പിന്നാലെയാണ്  വാജി വാഹനം തിരിച്ച് എടുക്കണമെന്ന്ആവിശ്യപ്പെട്ട്  തന്ത്രി രാജീവര് കത്ത് നൽകിയിരിക്കുന്നത് ..ശബരിമല വിഷയത്തിൽ ഓരോ ദിവസവും പുറത്തുവന്നുകൊണ്ടിരിക്കുന്ന ഓരോ വാർത്തകളും വളരെയധികം ആശങ്കയുളവാക്കുന്ന തരത്തിൽ ഉള്ളവയാണ് .