നാടിനെ കണ്ണീരിലാഴ്ത്തി ചിറ്റൂരിലെ ഇരട്ട സഹോദരങ്ങളുടെ മരണം .ലക്ഷ്മണന്റെ മൃതദേഹത്തിനുപുറമെ രാമന്റെ മൃതദേഹം നീണ്ട തിരച്ചിലിനൊടുവിൽ കണ്ടെത്തി

പാലക്കാട് ചിറ്റൂരിൽ കാണാതായ 14 വയസ്സുകാരനായ ലക്ഷ്മണന്റെ ഇരട്ട സഹോദരനായ രാമന്റെ മൃതദേഹവും നീണ്ട തിരച്ചിലിനൊടുവിൽ കണ്ടെത്തി .അത്യന്തം ദുഃഖകരമായ വാർത്തയാണ് കേൾക്കാൻ കഴിഞ്ഞത് .

ചിറ്റൂർ സ്വദേശി കാശി വിശ്വനാഥന്റെ ഇരട്ട മക്കളായ ലക്ഷ്മണനും രാമനും ഒരു നാടിൻറെ തന്നെ തീരാ നോവായി മാറിയിരിക്കുകയാണ് .

ചിറ്റൂർ ബോയ്സ് ഹൈസ്കൂളിലെ വിദ്യാർത്ഥികളായ ഇരുവരെയും ഇന്നലെ വൈകുന്നേരം മുതലാണ് കാണാതായത് .

പതിവുപോലെ വീട്ടിൽ നിന്നും പോയ ഇവർ തൊട്ടടുത്ത അമ്പലത്തിലെത്തി വിളക്ക് കൊളുത്തിയിരുന്നു. തുടർന്നാണ് ഇവരെ കാണാതായത്.

ഇരുവർക്കും നീന്തലറിയാത്ത സാഹചര്യത്തിൽ കുളിക്കാനായിരിക്കില്ല ,മീൻപിടിക്കാൻ ഇറങ്ങിയതായിരിക്കും എന്നാണ് പോലീസിന്റെ നിഗമനം .

ഒരാൾ അപകടത്തിൽപെട്ടപ്പോൾ അടുത്തെയാൾ രക്ഷിക്കാൻ ശ്രമിച്ചതാകാം എന്ന അനുമാനവും പുറത്തുവരുന്നുണ്ട്.

ആകസ്മികമായ ദാരുണാന്ത്യത്തിന്റെ ഞെട്ടലിലാണ് പ്രദേശത്തെ നാട്ടുകാരും കുടുംബാംഗങ്ങളും എല്ലാവരും .