കൊച്ചി നഗരത്തിൽ വാഹനങ്ങൾ അനായാസമായി പാർക്ക്ചെയ്യുന്നതിനായി സ്മാർട്ട് പാർക്കിങ് മാനേജ്മെന്റ് സിസ്റ്റം (പാർകൊച്ചി) യുടെ ഉദ്‌ഘാടനം നടന്നു .

കൊച്ചി: കൊച്ചി നഗരത്തിൽ കാർ പാർക്കിങ്ങിന് ഇനി ബുദ്ധിമുട്ടേണ്ട കാര്യമില്ല . പാർക്കിങ് ഏരിയ ബുക്ക് ചെയ്ത് വാഹനം പാർക്ക് ചെയ്യുന്നതിനടക്കം സൗകര്യങ്ങളുള്ള സ്മാർട്ട് പാർക്കിങ് മാനേജ്മെന്റ് സിസ്റ്റം (പാർകൊച്ചി) യുടെ .ഉദ്ഘാടനം സിഎസ്എംഎൽ കൺട്രോൾ റൂമിൽ ഗതാഗതമന്ത്രി കെ ബി ഗണേഷ്‌കുമാർ നിർവഹിച്ചു .

കൊച്ചി കോർപറേഷൻ, ജിസിഡിഎ, കൊച്ചി മെട്രോ, ജില്ലാ ടൂറിസം പ്രൊമോഷൻ കൗൺസിൽ എന്നിവയുടെ സഹകരണത്തോടെ സിഎസ്എംഎല്ലും കൊച്ചി മെട്രോ പൊളിറ്റൻ ട്രാൻസ്പോർട്ട് അതോറ്റിയും ചേർന്നാണ് പദ്ധതി നടപ്പാക്കുന്നത്.

 4.81 കോടിയാണ് സിഎസ്എംഎൽ ഇതിനായി ചെലവിട്ടത്.

 ഈ പദ്ധതിവഴി നഗരത്തിൽ വാഹനങ്ങൾ ഇനി അനായാസമായി പാർക്ക് ചെയ്യാൻ കഴിയും .

പാർകൊച്ചി മൊബെൽ ആപ്പ് വഴി പാർക്കിങ് സ്ഥലങ്ങളുടെ വിവരങ്ങൾ എളുപ്പത്തിൽ ലഭ്യമാകും .

തെരഞ്ഞെടുത്ത സ്ഥലത്ത് പാർക്ക് ചെയ്യാനുള്ള ഇടങ്ങളുടെ വിവരങ്ങൾ ഉൾപ്പെടെ അറിയാൻ സാധിക്കും .  

പാർക്ക് ചെയ്യുന്ന സ്ഥലം, കാറിന്റെ നമ്പർ, സമയം എന്നിവ നൽകി ബുക്ക്  ചെയ്യുന്നതോടൊപ്പം പണം അടയ്ക്കുന്നതിനും സൗകര്യം ഉണ്ട് .

ഉദ്‌ഘാടനത്തിനുശേഷം  അധികം വൈകാതെ തന്നെ ആപ്പ് ലഭ്യമാക്കും.വാഹന നമ്പർ പാർക്കിങ് കേന്ദ്രത്തിലെ ഓട്ടോമാറ്റിക് നമ്പർ പ്ലേറ്റ് റക്കഗ്നിഷൻ സിസ്റ്റം തിരിച്ചറിയും. ഇതോടെ ബൂം ബാരിയേഴ്സ് മാറും.

തുടർന്ന് വാഹനം അകത്തേക്ക് കയറ്റാം.

എഐ കാമറ ഉൾപ്പെടെ സ്ഥാപിച്ചിട്ടുണ്ട്. പാർക്കിങ് കേന്ദ്രങ്ങളിൽ എത്ര ഒഴിവുകളുണ്ടെന്ന് മനസ്സിലാക്കാൻ ഡിജിറ്റൽ ബോർഡുകളും സ്ഥാപിച്ചിട്ടുണ്ട്.