പത്മനാഭസ്വാമിക്ഷേത്രത്തെ കുറിച്ചുള്ള വിവരങ്ങൾ ഉൾപ്പെടുത്തിക്കൊണ്ടുള്ള ദ ന്യൂ ഇന്ത്യന്‍ എക്‌സ്പ്രസിന്റെ കോഫി ടേബിള്‍ ബുക്ക് പ്രകാശനം രാജ്ഭവനിൽ നടന്നു

തിരുവനന്തപുരം: ശ്രീ പത്മനാഭസ്വാമി ക്ഷേത്രത്തെ കുറിച്ചുള്ള സമഗ്ര വിവരങ്ങൾ അടങ്ങിയ 'അനന്ത' കേരള ഗവർണർ രാജേന്ദ്ര ആർലേക്കർ പ്രകാശനം ചെയ്തു.

 വ്യാഴാഴ്ച രാജ്ഭവനിൽ നടന്ന ചടങ്ങിലായിരുന്നു ദ ന്യൂ ഇന്ത്യൻ എക്‌സ്പ്രസ് പുറത്തിറക്കിയ കോഫി ടേബിൾ ബുക്ക് 'അനന്ത'യുടെ പ്രകാശനം.

പത്മനാഭസ്വാമി ക്ഷേത്രത്തെ കുറിച്ചുള്ള സുപ്രധാന വിവരങ്ങൾ ഉൾപ്പെടുന്നതാണ് പുസ്തകമെന്ന് ഗവർണർ ചടങ്ങിൽ അഭിപ്രായപ്പെട്ടു.

ശ്രീ പത്മനാഭസ്വാമി ക്ഷേത്രം എന്തിന് വേണ്ടി നിലകൊള്ളുന്നു എന്ന് മനസിലാക്കാൻ പുസ്തകം സഹായിച്ചു.

 പലതവണ ക്ഷേത്രത്തിൽ ദർശനം നടത്തിയിട്ടുണ്ട്.

 എന്നാൽ ക്ഷേത്രത്തിലെ പ്രധാന ഇടങ്ങളെ കുറിച്ചും മറ്റ് കാര്യങ്ങളെ കുറിച്ചും ബന്ധപ്പെട്ട സുപ്രധാന വിവരങ്ങൾ പുസ്തകത്തിലൂടെയാണ് തിരിച്ചറിഞ്ഞത്.

 ഇത്തരത്തിലുള്ള വിവരങ്ങൾ തിരിച്ചറിയാൻ അനന്ത ഒരുപാട് സഹായകരമാണ്''- ഗവർണർ പറഞ്ഞു.

പുസ്തകത്തിന്റെ രൂപകല്‍പന ആകര്‍ഷകമാണ്. ഉള്ളടക്കത്തിലേക്ക് കടന്നുചെല്ലുന്ന വായനക്കാരന് ആത്മീയ യാത്രയുടെ അനുഭൂതിയും അനന്ത നല്‍കുന്നു.

ദ ന്യൂ ഇന്ത്യന്‍ എക്‌സ്പ്രസിന്റെ ഇത്തരം ശ്രമങ്ങള്‍ കേരളത്തിന്റെ സാംസ്‌കാരിക ആത്മീയ സമ്പന്നതയെ അടയാളപ്പെടുത്തുന്നതാണ് എന്നും ഗവര്‍ണര്‍ പറഞ്ഞു.