ശബരിമലയിലെ സ്വർണ്ണമോഷണത്തിന് പിന്നിൽ സമൂഹത്തിലെ ഉന്നതരുടെ വലിയ രീതിയിലുള്ള പങ്കാളിത്തം ഉണ്ടായിരുന്നെന്നു ഉണ്ണികൃഷ്ണൻ പോറ്റി; ഗൂഢാലോചന നടന്നത് ബെം​ഗളൂരുവിൽ ആയിരുന്നെന്നും തനിക്ക് ഇതിൽ വലിയ നേട്ടമുണ്ടായിട്ടില്ലെന്നും പോറ്റി

തിരുവനന്തപുരം :ശബരിമലയിൽ നടന്ന സ്വർണ്ണ മോഷണത്തിൽ സമൂഹത്തിലെ ഉന്നതരുടെ വലിയ രീതിയിലുള്ള പങ്കാളിത്തം ഉണ്ടായിരുന്നെന്നും ഗൂഢാലോചന നടന്നത് ബെം​ഗളൂരുവിൽ ആയിരുന്നെന്നും തനിക്ക് ഇതുകൊണ്ട് വലിയ തരത്തിലുള്ള നേട്ടം ഒന്നും ഉണ്ടായിട്ടില്ലെന്നും ഉണ്ണികൃഷ്ണൻ പോറ്റി ഇന്നലെ നടന്ന ചോദ്യം ചെയ്യലിൽ മൊഴി നൽകി .

ബെംഗളൂരുവിൽ നിന്ന് കിട്ടിയ നിർദ്ദേശ പ്രകാരമാണ് ആദ്യം വിജിലൻസിന് മൊഴി നൽകിയതെന്നും അവർക്ക് പിന്നിൽ വലിയ ആളുകൾ ഉണ്ടെന്നും പോറ്റി മൊഴി നൽകി. പോറ്റി പറഞ്ഞതനുസരിച്ച് ആ 5 അംഗ സംഘത്തെ കണ്ടെത്താനാണ് പ്രത്യേക സംഘത്തിൻ്റെ നീക്കം.

സ്വർണ്ണക്കൊള്ളയിൽ തനിക്ക് വലിയ നേട്ടം ഉണ്ടായിട്ടില്ല. ലാഭമുണ്ടാക്കിയവർ മറ്റുള്ളവരാണ്. വിജിലൻസ് അന്വേഷണം തുടങ്ങിയപ്പോൾ തന്നെ ബംഗളൂരുവിലേക്ക് വിളിപ്പിച്ച് ചില നിർദ്ദേശങ്ങൾ നൽകി.

അവർ പറഞ്ഞത് പ്രകാരമാണ് തന്റെ ആദ്യ മൊഴിയെന്നും ഉണ്ണികൃഷ്ണൻ പോറ്റി പറഞ്ഞു.പോറ്റിയുടെ ഇത്തരത്തിലുള്ള മൊഴി നൽകളിലൂടെ വലിയ തരത്തിലുള്ള ഗുരുതരമായ വിവരങ്ങളാണ് പുറത്തു വന്നുകൊണ്ടിരിക്കുന്നത് .സ്വർണ്ണ മോഷണത്തിൽ പോറ്റിയുടെ പിറകിൽ വലിയ തരത്തിലുള്ള ഒരു കൊള്ള സംഘം തന്നെ പ്രവർത്തിച്ചിരുന്നതായി വെളിപ്പെടുന്നു .