ഗർഭാശയ അർബുദം പ്രതിരോധിക്കാനായി സംസ്ഥാനത്തെ ഹയര്‍ സെക്കന്‍ഡറി വിദ്യാര്‍ഥികള്‍ക്കുള്ള വാക്സിനേഷൻ നാളെ മുതല്‍ ആരംഭിക്കുന്നു

. 

തിരുവനന്തപുരം: സംസ്ഥാനത്ത് പ്ലസ് വൺ, പ്ലസ്ടു വിദ്യാർഥികൾക്ക് ഗർഭാശയ അർബുദ പ്രതിരോധത്തിന് എച്ച്പിവി വാക്സിനേഷൻ ആരംഭിക്കുന്നതായി മന്ത്രി വീണാ ജോർജ്.

 പൈലറ്റ് അടിസ്ഥാനത്തിൽ കണ്ണൂരിലാണ് ആദ്യം പദ്ധതി നടപ്പാക്കുക. പദ്ധതിയുടെ ഉദ്ഘാടനം തിങ്കൾ രാവിലെ 10ന് കൂത്തുപറമ്പ് താലൂക്കാശുപത്രിയിൽ മുഖ്യമന്ത്രി പിണറായി വിജയൻ നിർവഹിക്കും.

രാജ്യത്ത് സ്ത്രീകളിൽ കണ്ടുവരുന്ന രണ്ടാമത്തെ പ്രധാനപ്പെട്ട അർബുദമാണ് ഗർഭാശയഗള അർബുദം.

 അർബുദ അനുബന്ധ മരണനിരക്ക് കൂടാനും ഇത് കാരണമാണ്. വരുംതലമുറയെ രോഗത്തിൽനിന്ന് രക്ഷിക്കാൻ എച്ച്പിവി വാക്‌സിൻ എല്ലാ പെൺകുട്ടികളും സ്വീകരിക്കുന്നത് നല്ലതാണ്.

 ഇത് മുന്നിൽക്കണ്ടാണ് സർക്കാർ നടപടി സ്വീകരിച്ചത്.വാക്സിനേഷൻ പദ്ധതി വിവിധ സന്നദ്ധസംഘടനകളുടെയും പൊതുജനങ്ങളുടെയും സഹകരണത്തോടെ നടപ്പാക്കാനാണ് ലക്ഷ്യം.

ലയൺസ് ക്ലബ്, റോട്ടറി ക്ലബ്, മറ്റ് സന്നദ്ധസംഘടനകൾ തുടങ്ങിയവയുടെ സഹകരണവുമുണ്ട്.

ഇന്നത്തെകാലത്തു സ്ത്രീകളിൽ വളരെയധികം സർവസാധാരണയായി കണ്ടുവരുന്ന അർബുദമാണ് ഗർഭാശയഗള അർബുദം,സ്തനാർബുദം എന്നിവ .

ഇവയെ പ്രതിരോധിക്കുന്നതിനായുള്ള വിവിധ തരത്തിലുള്ള സംവിധാനങ്ങൾ സർക്കാർ തലത്തിൽ ആവിഷ്കരിക്കപ്പെടുന്നുണ്ട് .