മാരുതി സുസുക്കി ആള്‍ട്ടോ 800, ഹ്യുണ്ടായ് i20 ഡീസല്‍, മഹീന്ദ്ര KUV100 NXT, ടൊയോട്ട ഇന്നോവ ക്രിസ്റ്റ പെട്രോള്‍, നാലാം തലമുറ ഹോണ്ട സിറ്റി, ഹോണ്ട ജാസ്, ഹോണ്ട ഡബ്ല്യുആര്‍-വി, റെനോ ക്വിഡ്, നിസാന്‍ കിക്ക്‌സ് തുടങ്ങി നിരവധി ജനപ്രിയ കാറുകള്‍ ഇന്ത്യന്‍ നിരത്തുകളോട് വിടപറഞ്ഞു.

പുതിയ bs6 ഘട്ടം ii മലിനീകരണ നിയന്ത്രണങ്ങള്‍ 2023 ഏപ്രില്‍ 1 മുതല്‍ പ്രാബല്യത്തില്‍ വന്നതോടെയാണ് ജനപ്രിയ കാറുകള്‍ വിടപറഞ്ഞത്. ചെക്ക് വാഹന ബ്രാന്‍ഡായ സ്‌കോഡയുടെ ഒക്ടാവിയയും സൂപ്പര്‍ബ് എന്നീ രണ്ട് മോഡലുകളും കമ്പനിയുടെ ഔദ്യോഗിക വെബ്സൈറ്റില്‍ നിന്ന് ഒഴിവാക്കി.

വാഹനപ്രേമികളുടെ പ്രിയപ്പെട്ട മോഡലുകളിലൊന്നായിരുന്നു സ്‌കോഡ ഒക്ടാവിയ. ഈ സെഡാന്‍ അതിന്റെ പ്രകടനം, കൈകാര്യം ചെയ്യല്‍, ഡിസൈന്‍ തുടങ്ങിയവയാല്‍ ഏറെ ശ്രദ്ധേയമായിരുന്നു. 190 ബിഎച്ച്പി കരുത്തും 320 എന്‍എം ടോര്‍ക്കും നല്‍കുന്ന ഒറ്റ 2.0 എല്‍, 4 സിലിണ്ടര്‍ ടിഎസ്‌ഐ ടര്‍ബോ പെട്രോള്‍ എഞ്ചിനിലാണ് ഇത് വാഗ്ദാനം ചെയ്തിരുന്നത്. ഷിഫ്റ്റ്-ബൈ-വയര്‍ സെലക്ടറുള്ള 7-സ്പീഡ് ഡ്യുവല്‍-ക്ലച്ച് ഓട്ടോമാറ്റിക് ഗിയര്‍ബോക്‌സുമായി മോട്ടോര്‍ ജോടിയാക്കിയിരിക്കുന്നു.

12-സ്പീക്കര്‍ കാന്റണ്‍ സൗണ്ട് സിസ്റ്റം, കണക്റ്റഡ് കാര്‍ ടെക്, ഡ്യുവല്‍ സോണ്‍ ക്ലൈമറ്റ് കണ്‍ട്രോള്‍, മെമ്മറി ഫംഗ്ഷനുകളുള്ള ഇലക്ട്രിക്കലി അഡ്ജസ്റ്റ് ചെയ്യാവുന്ന ഡ്രൈവര്‍, പാസഞ്ചര്‍ സീറ്റുകള്‍, എട്ട് എയര്‍ബാഗുകള്‍, ഇഎസ്‌സി, ഇബിഡി സഹിതം എബിഎസ് തുടങ്ങിയ സവിശേഷതകളാല്‍ സെഡാന്റെ ടോപ്പ്-എന്‍ഡ് ട്രിം സമ്പന്നമായിരുന്നു.

സ്‌കോഡ സൂപ്പര്‍ബ് ആകട്ടെ, ആഡംബര സെഡാന്‍ സെഗ്മെന്റില്‍ സങ്കീര്‍ണ്ണതയും സുഖസൌകര്യങ്ങളുംമികച്ച പ്രകടനവും കാഴ്ചവച്ചിരുന്നതു കൊണ്ടുതന്നെ വാഹന പ്രേമികളുടെ പ്രിയങ്കരനായിരുന്നു. 2004-ല്‍ ആദ്യമായി അവതരിപ്പിച്ച ഈ മോഡല്‍ ബ്രാന്‍ഡിന്റെ ഇന്ത്യയിലെ മുന്‍നിര ഡിസൈനായിരുന്നു ഇത്. 190 ബിഎച്ച്പിക്ക് മതിയായ 2.0 എല്‍ ടര്‍ബോ പെട്രോള്‍ എഞ്ചിനാണ് സൂപ്പര്‍ബിന് കരുത്ത് പകരുന്നത്.

 7-സ്പീഡ് ഡിസിടി ഓട്ടോമാറ്റിക് ഗിയര്‍ബോക്‌സാണ് ട്രാന്‍സ്മിഷന്‍ ചുമതലകള്‍ നിര്‍വ്വഹിച്ചത്. വയര്‍ലെസ് സ്മാര്‍ട്ട്ഫോണ്‍ കണക്റ്റിവിറ്റിയുള്ള 8,0 ഇഞ്ച് അമുന്‍ഡ്സെന്‍ ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സിസ്റ്റം, 360 ഡിഗ്രി ക്യാമറ, ഹാന്‍ഡ്സ് ഫ്രീ പാര്‍ക്കിംഗ് ഫംഗ്ഷന്‍ തുടങ്ങിയ സവിശേഷതകള്‍ ഇതിലുണ്ടായിരുന്നു.

അതെസമയം,ചെക്ക് വാഹന നിര്‍മ്മാതാവ് ഇന്ത്യന്‍ വിപണിയില്‍ ഒന്നിലധികം പുതിയ സെഡാനുകളും എസ്യുവികളും ആസൂത്രണം ചെയ്തിട്ടുണ്ട്. രാജ്യത്ത് പുതിയ തലമുറ സ്‌കോഡ സൂപ്പര്‍ബിനായി കമ്പനി ഒരു സാധ്യതാ പഠനം നടത്തുകയാണ് എന്നാണ് റിപ്പോര്‍ട്ടുകള്‍. സ്‌കോഡ ഇന്ത്യയും സ്‌കോഡ ഒക്ടൈവ ആര്‍എസ് അവതരിപ്പിച്ചേക്കാം.

എന്നാല്‍ ഇക്കാര്യത്തില്‍ഇതുവരെ അന്തിമ തീരുമാനമായിട്ടില്ല. സ്‌കോഡ എന്‍യാക് ഇലക്ട്രിക് എസ്യുവിക്കൊപ്പം നിലവിലുള്ള സ്‌കോഡ കാറുകളുടെ നിരവധി പ്രത്യേക പതിപ്പുകളും ഉണ്ടാകും. സ്‌കോഡ എന്‍യാക് ഇലക്ട്രിക് എസ്യുവി ഈ സാമ്പത്തിക വര്‍ഷത്തിന്റെ അവസാനത്തോടെ വരും എന്നാണ് റിപ്പോര്‍ട്ടുകള്‍.