സഹോദരനെ കാമുകന്റെ സഹായത്തോടെ കൊന്നു; കന്നഡ സീരിയല്‍ നടി അറസ്റ്റില്‍

By sisira.25 04 2021

imran-azhar

 

ബെംഗളൂരു: സഹോദരനെ കാമുകന്റെ സഹായത്തോടെ കൊലപ്പെടുത്തിയ കേസില്‍ കന്നഡ സീരിയല്‍ നടിയും മോഡലുമായ ഷനായ കത്വെ അറസ്റ്റിലായി.

 

ഇരുപത്തിനാലുകാരിയായ ഷനാ, ഇരുപത്തിയൊന്നുകാരനായ കാമുകന്‍ നിയാസ്ഹമീദ് കാട്ടിഗര്‍ ഉള്‍പ്പെടെ അഞ്ച് പേരാണ് അറസ്റ്റിലായത്.

 

കഴിഞ്ഞ ദിവസമാണ് രാകേഷ് കത്വെ എന്ന 32കാരന്റെ മൃതദേഹം ധാര്‍വാഡിന് സമീപം വനത്തില്‍ നിന്നും കണ്ടെത്തിയത്.

 

തുടര്‍ന്ന് ഹുബ്ലി റൂറല്‍ പൊലീസ് അന്വേഷണം ആരംഭിച്ചു. പ്രഥമിക അന്വേഷണത്തില്‍ തന്നെ രാകേഷിന്‍റെ സഹോദരിക്ക് ഇതില്‍ പങ്കുള്ളതായി പൊലീസ് സംശയിച്ചു.

 

പിന്നീട് വിശദമായി നടത്തിയ അന്വേഷണത്തിലാണ് ഷനായുടെ കാമുകന്‍ നിയാസ്ഹമീദ് കാട്ടിഗറിന്‍റെ മൂന്ന് സുഹൃത്തുക്കള്‍ പിടിയിലായത്.

 

ഷനായുടെ നിയാസ് അഹമ്മദുമായുള്ള ബന്ധത്തെ രാകേഷ് എതിര്‍ത്തിരുന്നു. ഇതാണ് കൊലപാതകത്തിന് കാരണം ആയതെന്ന് പോലീസ് പറഞ്ഞു. ഏപ്രില്‍ 9-ന് ഹുബ്ബള്ളി ഒരു സിനിമ പ്രമോഷനുമായി ബന്ധപ്പെട്ട് ഷനാ സന്ദര്‍ശിച്ചിരുന്നു.

 

അതേ ദിവസം തന്നെയാണ് രാകേഷിനെ കഴുത്ത് ഞെരിച്ച് കൊന്നത്. ഒരു ദിവസത്തിന് ശേഷം ശരീരം കഷ്ണങ്ങളായി മുറിച്ച് നിയാസ് അഹമ്മദും കൂട്ടുകാരും നഗരത്തിന്‍റെ വിവിധ ഭാഗങ്ങളില്‍ നിക്ഷേപിക്കുകയായിരുന്നു.

OTHER SECTIONS