ENVIRONMENT

അതിശൈത്യത്തിൽ തണുത്തുറഞ്ഞ് നയാഗ്ര

UPDATED5 months ago

കനേഡിയൻ പ്രവിശ്യയായ ഒന്റാരിയോയ്ക്കും യു.എസ്. സംസ്ഥാനമായ ന്യൂയോർക്കിനുമിടയിൽ നയാഗ്ര മലയിടുക്കിന്റെ തെക്കേ അറ്റത്തുള്ള മൂന്ന് വെള്ളച്ചാട്ടങ്ങളുടെ ഒരു കൂട്ടമാണ് നയാഗ്ര വെള്ളച്ചാട്ടം. കാഴ്ചക്കാർക്ക് എന്നും നിറവസന്തം സമ്മാനിക്കുന്ന പ്രകൃതിയുടെ അത്ഭുതമായ നയാഗ്ര അതിശൈത്യത്തിൽ തണുത്തുറഞ്ഞ അവസ്ഥയിലാണ്. അമേരിക്കയുടെ പല ഭാഗങ്ങളിലും ഇപ്പോഴും ശക്തമായ തണുത്ത കാലാവസ്ഥയാണ് തുടരുന്നത്. മാസങ്ങളായി നീണ്ടുനിൽക്കുന്ന ഈ അതിശൈത്യം രാജ്യത്തെ വലിയൊരു വിഭാഗം ജനങ്ങളുടെയും മൃഗങ്ങളുടെയും നിലനിൽപ്പിനെ കാര്യമായി ബാധിച്ചിരിക്കുകയാണ്.

ഒരു മരം തരും ഒരു ലക്ഷം, സുഗന്ധം പരത്തി ഊദ്

UPDATED6 months ago

അത്തറിന്റെ സുഗന്ധം ആസ്വദിക്കുമ്പോള്‍ ഓര്‍മ്മിക്കപ്പെടേണ്ട മരമാണ് തെക്ക് കിഴക്കന്‍ ഏഷ്യക്കാരനായ അകില്‍ അഥവാ ഊദ്. 40 മീറ്ററോളം ഉയരത്തിലും 80 സെ.മീറ്ററോളം വിസ്തൃതിയിലും വളരുന്ന അകില്‍ മരം സാധാരണയായി കാടുകളിലാണ് വളരാറുള്ളത്. ഇന്ന് ഏകദേശം 20 ഇനത്തില്‍പ്പെട്ട ഊദ് മരങ്ങളില്‍ നിന്ന് സുഗന്ധ തൈലമായ അഗര്‍ വേര്‍തിരിച്ചെടുക്കുന്നുണ്ട്. ഒരു മരത്തില്‍ നിന്ന് ശരാശരി നാല് കിലോഗ്രാമിനോടടുപ്പിച്ച് വിളവ് ലഭിക്കുന്ന ഈ മരം ഇപ്പോള്‍ കാട് വിട്ട് നാട്ടിലേക്കും വളരാന്‍ തുടങ്ങിയിരിക്കുന്നു. ഒരു പ്രത്യേകതരം ഫംഗസിന്റെ പ്രവര്‍ത്തനത്താലാണ് വിലകൂടിയ സുഗന്ധതൈലമായ അഗര്‍ ഉല്‍പാദിപ്പിക്കുന്നത്. ഫിയാലോഫോറ പാരസൈറ്റിക്ക എന്നാണ് ഈ ഫംഗസിന്റെ പേര്.

ഇനി വരുന്നത് ഹിമാലയന്‍ ഭൂകമ്പം?

UPDATED6 months ago

ഒരുപക്ഷെ മനുഷ്യരാശി നിലനില്‍ക്കുകാലം ഒരിക്കലും മറക്കാനാകാത്ത വര്‍ഷങ്ങളില്‍ ഒന്നായിരിക്കും 2020. വളരെ പ്രതീക്ഷയോടെയും ആവേശത്തോടെയുമാണ് ലോകം ട്വന്റി ട്വന്റിയെ വരവേറ്റത്. എന്നാല്‍ മുമ്പെങ്ങുമില്ലാത്ത സാഹചര്യങ്ങളാണ് 2020 ലോകത്തിന് സമ്മാനിച്ചത്. രാജ്യാതിര്‍ത്തികളില്ലാതെയായിരുന്നു കോവിഡ് മഹാമാരിയുടെ ആശങ്ക ലോകത്തെ കീഴ്‌പ്പെടുത്തിയത്. 2020 അവസാനിക്കാന്‍ ദിവസങ്ങള്‍ മാത്രം ശേഷിക്കെ ആ ഭീതിയ്ക്ക് ഇന്നും പൂര്‍ണമായ പരിഹാരം ലഭിച്ചിട്ടില്ല. മഹാമാരിക്കൊപ്പം തന്നെ പ്രകൃതി ദുരന്തങ്ങളും മനുഷ്യരാശിക്ക് ഭീഷണിയുണ്ടാക്കി. മണ്ണിടിച്ചില്‍, കാട്ടുതീ, വെള്ളപ്പൊക്കം, രോഗങ്ങള്‍, വെട്ടുക്കിളി ആക്രമണങ്ങള്‍ എന്നിവയെല്ലാം നമ്മുടെ ആശങ്കകളെ ഇരട്ടിപ്പിച്ചു. എന്നാല്‍ അതെല്ലാം ഒരു തുടക്കം മാത്രമാണെന്നാണ് ശാസ്ത്രത്തിന്റെ പുതിയ വെളിപ്പെടുത്തല്‍.

Show More