പ്രായഭേദമന്യേ മലയാളികള്‍ക്ക് ഏറെ പ്രിയപ്പെട്ട പാനീയമാണ് ചായയും കാപ്പിയും. രാവിലെ ഉറക്കമുണര്‍ന്നയുടനെ ഒരു കപ്പ് ചായയോ കാപ്പിയോ കുടിക്കാതെ ദിവസം തുടങ്ങാന്‍ പലര്‍ക്കും കഴിയാറില്ല. ഒരു ദിവസം ചായ കുടിച്ചില്ലെങ്കില്‍ തന്നെ ക്ഷീണവും അസ്വസ്തതയും തലവേദനയും വരുന്നവരുണ്ട്. എന്നാല്‍ ദിവസേന ചായയോ കാപ്പിയോ കുടിക്കുന്നവരുടെ ശരീരത്തില്‍ അപകടകരമായ രോഗങ്ങള്‍ വരുമെന്നാണ് പഠനം തെളിയിച്ചിരിക്കുന്നത്.

ദിവസവും മധുരം ചേര്‍ത്ത ചായയോ കാപ്പിയോ കുടിക്കുന്നവരില്‍ ലിവര്‍ കാന്‍സര്‍ വരാനുളള സാദ്ധ്യത 78 ശതമാനം കൂടുതലാണെന്ന് പഠനം. സൗത്ത് കരോലിന സര്‍വകലാശാലയിലെ വിദഗ്ദ്ധര്‍ 90,000പേരില്‍ നടത്തിയ പഠനത്തിലാണ് ഇക്കാര്യം വ്യക്തമായത്. പ്രമേഹമോ മറ്റ് രോഗങ്ങളോ ഉള്ളവരില്‍ അതിന്റെ അപകടസാദ്ധ്യത വര്‍ദ്ധിക്കാന്‍ ഇടയാക്കുമെന്നും പഠനത്തില്‍ വ്യക്തമാക്കുന്നു. രോഗനിര്‍ണയം വൈകിക്കഴിഞ്ഞാല്‍ രോഗമുക്തി നേടാനുള്ള സാദ്ധ്യത വളരെയധികം കുറഞ്ഞ രോഗമാണ് ലിവര്‍ ക്യാന്‍സര്‍.

പഠനത്തില്‍ പങ്കെടുത്തവരില്‍ ചായയോ കാപ്പിയോ പഞ്ചസാര ചേര്‍ത്ത് ദിവസേന കഴിക്കുന്നവരില്‍ ലിവര്‍ ക്യാന്‍സറിന്റെ ലക്ഷണങ്ങള്‍ കണ്ടെത്തി. വിശപ്പില്ലായ്മ, ക്ഷീണം, തൊലിപ്പുറത്തുള്ള ചൊറിച്ചില്‍, വാരിയെല്ലുകള്‍ക്ക് താഴെ വേദന എന്നിവയാണ് അവരിലുണ്ടായിരുന്ന ലക്ഷണങ്ങള്‍.

ഈ പഠനത്തില്‍ നിന്ന്, ദിവസവും രണ്ടോ അതിലധികമോ മധുരമുള്ള ചായ കുടിക്കുന്നവരില്‍ ക്യാന്‍സര്‍ വരാനുള്ള സാദ്ധ്യത 78ശതമാനം കൂടുതലാണെന്നും ദിവസവും ഒരു തവണ കുടിക്കുന്നവരില്‍ 73 ശതമാനമാണ് രോഗസാദ്ധ്യതയെന്നും കണ്ടെത്തി. എന്നാല്‍ മധുരമില്ലാതെ ചായ കുടിക്കുന്നതുകൊണ്ട് ദോഷമില്ല. ടൈപ്പ്-2 പ്രമേഹം, പൊണ്ണത്തടി എന്നീ രോഗങ്ങളും പഞ്ചസാര ശീലമാക്കുന്നവരില്‍ വരാന്‍ സാദ്ധ്യതയുണ്ടെന്നും വിദഗ്ദ്ധര്‍ പറഞ്ഞു.