ഈ പഴങ്ങൾ കഴിച്ചോളൂ കൊളസ്ട്രോളിനെ നിയന്ത്രിയ്‌ക്കാം

By Lekshmi.04 11 2022

imran-azhar

 

ഭക്ഷണശൈലിയിലെ മാറ്റങ്ങള്‍ മാത്രം മതി നമ്മുടെ പല ആരോഗ്യ പ്രശ്‌നങ്ങളും എളുപ്പത്തില്‍ മാറ്റാന്‍ സഹായിക്കും.കൊളസ്ട്രോൾ ഹൃദയത്തെ ബാധിക്കും ശരീരത്തിൽ നല്ല കൊളസ്ട്രോളും ചീത്ത കൊളസ്ട്രോളുമുണ്ട്.ദിവസവും ആരോഗ്യം നല്‍കുന്നതുമായ കുറഞ്ഞ കലോറി അടങ്ങിയതുമായ ഭക്ഷണങ്ങള്‍ കഴിക്കുന്നത് ശരീരത്തിനെ അകത്ത് നിന്നും പുറത്ത് നിന്നും സഹായിക്കാറുണ്ട്.ഭക്ഷണശീലങ്ങളില്‍ ശ്രദ്ധിക്കാതെ വരുമ്പോള്‍ ഉണ്ടാകുന്ന വലിയൊരു പ്രശ്‌നമാണ് കൊളസ്‌ട്രോള്‍.കൊളസ്‌ട്രോള്‍ അളവ് കുറവുള്ള ഭക്ഷണങ്ങള്‍ കഴിക്കുന്നത് ഹൃദയത്തെ സംരക്ഷിക്കാനുള്ള ഏറ്റവും നല്ല മാര്‍ഗമാണ്.

 

എന്താണ് കൊളസ്‌ട്രോള്‍?

 

മനുഷ്യ ശരീരത്തില്‍ വിവിധ തരത്തിലുള്ള കൊഴുപ്പുകളുണ്ട്. ഇതില്‍ വെളുത്ത മെഴുക് പോലെയുള്ളതാണ് കൊളസ്‌ട്രോള്‍ എന്ന് പറയുന്നത്. ശരീരത്തിന് വളരെ ആവശ്യമുള്ളതാണ് കൊളസ്‌ട്രോള്‍. ഉയര്‍ന്ന അളവിലുള്ള കൊളസ്‌ട്രോള്‍ ഹൃദ്രോഗ സാധ്യത കൂട്ടും. ഇത് രക്തക്കുഴലുകളില്‍ കൊഴുപ്പ് അടിഞ്ഞു കൂടാനുള്ള സാധ്യത വര്‍ദ്ധിപ്പിക്കുന്നു. ചീത്ത കൊളസ്‌ട്രോള്‍ കൂടും തോറും അത് നിങ്ങളുടെ ധമനികളിലൂടെ ആവശ്യമായ രക്തം ഒഴുകുന്നതിന് തടസം സൃഷ്ടിക്കുന്നു. ഒടുവില്‍ ഹൃദയാഘാതമോ പക്ഷാഘാതമോ ഉണ്ടാക്കുന്നു.

 

നിങ്ങളുടെ ശരീരത്തിലെ കൊളസ്ട്രോളിന്റെ ഭൂരിഭാഗവും കരളില്‍ നിന്നാണ് ഉത്പാദിപ്പിക്കുന്നത്. ബാക്കിയുള്ളത് നിങ്ങള്‍ കഴിക്കുന്ന ഭക്ഷണത്തില്‍ നിന്നുമാണ് ലഭിക്കുന്നത്. കൊളസ്ട്രോളിന്റെ മോശവും അപകടകരവുമായ രൂപത്തെ ലോ ഡെന്‍സിറ്റി ലിപ്പോപ്രോട്ടീന്‍ അല്ലെങ്കില്‍ എല്‍ഡിഎല്‍ എന്ന് വിളിക്കുന്നു. ഇത് നിങ്ങളുടെ ധമനികളില്‍ അടിഞ്ഞുകൂടുകയും ഫാറ്റി പ്ലാക്ക് മെഴുക് നിക്ഷേപം ഉണ്ടാക്കുകയും ചെയ്യും.

 

പാരമ്പര്യമായി കൊളസ്‌ട്രോള്‍ ഉണ്ടാകുമെങ്കിലും അനാരോഗ്യകരമായ ജീവിതശൈലിയും ഇതിന് കാരണമാകാറുണ്ട്. ആരോഗ്യകരമായ ഭക്ഷണക്രമം, ചിട്ടയായ വ്യായാമം, ചിലപ്പോള്‍ മരുന്നുകള്‍ എന്നിവ ഉയര്‍ന്ന കൊളസ്‌ട്രോള്‍ കുറയ്ക്കാന്‍ സഹായിക്കും.

 

ചീത്ത കൊളസ്‌ട്രോള്‍ കുറയ്ക്കാന്‍ പഴങ്ങള്‍ സഹായിക്കുമോ?

 

സീസണല്‍ പഴങ്ങള്‍ പലപ്പോഴും രുചികരവും വയര്‍ നിറയ്ക്കുന്നതുമാണ്. ഈ പഴങ്ങള്‍ പലതരത്തില്‍ കൊളസ്‌ട്രോള്‍ കുറയ്ക്കാന്‍ സഹായിക്കാറുണ്ട്. നാരുകളുള്ള പഴങ്ങള്‍ ചീത്ത കൊഴുപ്പിനെ രക്തധമിനിയിലേക്ക് എത്തുന്നത് മുന്‍പ് തന്നെ ആഗിരണം ചെയ്ത് ശരീരത്തില്‍ നിന്ന് വലിച്ചെടുക്കുന്നു. കൂടാതെ എല്‍ഡിഎല്ലിനെ കുറയ്ക്കുന്ന പോളി അണ്‍സാച്ചുറേറ്റഡ് കൊഴുപ്പ് നല്‍കുന്നു.ചിലതില്‍ പ്ലാന്റ് സ്റ്റിറോളുകളും സ്റ്റാനോളുകളും അടങ്ങിയിട്ടുണ്ട്, ഇത് കൊളസ്‌ട്രോള്‍ ആഗിരണം ചെയ്യുന്നതില്‍ നിന്ന് ശരീരത്തെ തടയുന്നു. ചീത്ത കൊളസ്ട്രോള്‍ കുറയ്ക്കാന്‍ സഹായിക്കുന്ന മികച്ച പഴങ്ങള്‍ ഏതൊക്കെയെന്ന് നോക്കാം.

 

ആപ്പിള്‍: ആപ്പിളില്‍ അടങ്ങിയിരിക്കുന്ന പെക്റ്റിന്‍ കൊളസ്‌ട്രോള്‍ കുറയ്ക്കാന്‍ സഹായിക്കുന്നു. കൂടാതെ ഇതില്‍ അടങ്ങിയിരിക്കുന്ന പോളിഫിനോള്‍സും കൊളസ്‌ട്രോള്‍ കുറയ്ക്കാന്‍ സഹായിക്കും.

 

ഓറഞ്ച്: ഓറഞ്ച് പോലുള്ള സിട്രസ് പഴങ്ങള്‍ വിറ്റാമിന്‍ സി മാത്രമല്ല, ആരോഗ്യമുള്ള ഹൃദയത്തെ പ്രോത്സാഹിപ്പിക്കുകയും നല്ല കൊളസ്ട്രോളിനെ സഹായിക്കുകയും ചെയ്യുന്നു.

 

അവക്കാഡോ: രക്തത്തിലെ ചീത്ത കൊളസ്ട്രോളിനെ തടയാന്‍ സഹായിക്കുന്ന ഒലിക് ആസിഡിന്റെ ശക്തികേന്ദ്രമാണ് അവക്കാഡോ. അവയില്‍ മോണോസാച്ചുറേറ്റഡ് കൊഴുപ്പുകളും നാരുകളും ധാരാളം അടങ്ങിയിട്ടുണ്ട്.

 

വാഴപ്പഴം: പഴത്തില്‍ നാരുകളും ആവശ്യമായ വിറ്റാമിനുകളും ധാതുക്കളും സുക്രോസ്, ഫ്രക്ടോസ്, ഗ്ലൂക്കോസ് തുടങ്ങിയ പ്രകൃതിദത്ത പഞ്ചസാരകളും അടങ്ങിയിട്ടുണ്ട്. വാഴപ്പഴം പൊട്ടാസ്യത്തിന്റെയും നാരുകളുടെയും നല്ല ഉറവിടമായതിനാല്‍ കൊളസ്‌ട്രോളും രക്തസമ്മര്‍ദ്ദവും കുറയ്ക്കാന്‍ സഹായിക്കുമെന്ന് ആരോഗ്യ വിദഗ്ധര്‍ പറയുന്നു.

 

 

OTHER SECTIONS