കൂടുതലായും സ്ത്രീകളിലാണ് യൂറിനറി ട്രാക്റ്റ് ഇന്‍ഫെക്ഷന്‍ അഥവാ മൂത്രാശയ അണുബാധ ബാധിക്കുന്നത്. മൂത്രമൊഴിക്കുമ്പോള്‍ വേദന, അടിവയറ്റിലെ സമ്മര്‍ദ്ദം അല്ലെങ്കില്‍ മലബന്ധം, മൂത്രത്തിന്റെ ഗന്ധത്തിലോ നിറത്തിലോ മാറ്റം എന്നിവയെല്ലാം യുടിഐയുടെ പ്രധാനപ്പെട്ട ലക്ഷണങ്ങളാണ്.

യൂറിനറി ഇന്‍ഫെക്ഷന്‍

ഒരു ആന്റി ബയോട്ടിക് കഴിക്കുന്നതിലൂടെ മൂത്രനാളിയിലെ അണുബാധയെ (UTI) നേരിടാം. ശരിയായ സമയത്ത് ചികിത്സിച്ചില്ലെങ്കില്‍ ഇത് വൃക്കകളെ ഗുരുതരമായി ബാധിക്കാനിടയുണ്ട്. മൂത്രത്തില്‍ അണുബാധയുണ്ടായാല്‍ ഉടനെ തന്നെ ഡോക്ടറെ സമീപിക്കണം.

മൂത്രാശയ അണുബാധയുടെ ചികിത്സയ്ക്ക് പ്രധാനമായും ആന്റിബയോട്ടിക്ക് മരുന്നുകളാണ് ഉപയോഗിക്കുന്നത്. ധാരാളം വെള്ളം കുടിക്കുകയും ആവശ്യത്തിനു വിശ്രമം എടുക്കുകയും വേണം. ഹൃദ്രോഗത്തിനോ കിഡ്‌നി സംബന്ധമായ രോഗങ്ങള്‍ക്കോ മരുന്നുകള്‍ കഴിക്കുന്നുണ്ടെങ്കില്‍ അത് ഡോക്ടറോട് പറയണം.

യൂറിനറി ട്രാക്റ്റ് ഇന്‍ഫെക്ഷന്‍

മലാശയത്തില്‍ നിന്നോ മലത്തില്‍ നിന്നോ ബാക്ടീരിയകള്‍ മൂത്രനാളിയിലേക്ക് പ്രവേശിക്കുമ്പോള്‍ യുടിഐകള്‍ വികസിക്കുന്നു. മൂത്രനാളിയില്‍ ബാക്ടീരിയകള്‍ പ്രവേശിച്ചു കഴിഞ്ഞാല്‍, അവ മൂത്രനാളിയിലെ മറ്റ് അവയവങ്ങളില്‍ എത്തുകയും അണുബാധയ്ക്ക് കാരണമാവുകയും ചെയ്യും. മൂത്രമൊഴിച്ച ശേഷം മലദ്വാരത്തില്‍ നിന്ന് ജനനേന്ദ്രിയത്തിലേക്ക് ബാക്ടീരിയകള്‍ നീങ്ങുന്നത് തടയുന്ന വിധത്തില്‍ ഇത് തുടയ്ക്കുക.

മൂത്രം ഒഴിക്കണമെന്ന് തോന്നിയാല്‍ പിടിച്ചു വയ്ക്കാതെ ഉടന്‍ മൂത്രം ഒഴിക്കുക. ഇത് വളരെ പ്രധാനമാണ്. കൂടുതല്‍ നേരം മൂത്രം പിടിച്ചു നിര്‍ത്തുന്നത് അണുക്കളെ കൂടുതല്‍ ശക്തരാക്കുകയേയുള്ളൂ. തേങ്ങയ്ക്കും ധാരാളം ഗുണങ്ങളുണ്ട്. തേങ്ങാവെള്ളം പതിവായി കുടിക്കുന്നത് യുടിഐ ബാധിതരെ സഹായിക്കുകയും പൊതുവെ മൂത്രത്തിന്റെ ആരോഗ്യം വര്‍ദ്ധിപ്പിക്കുകയും ചെയ്യുന്നു. ഇത് ഒരു ഡൈയൂററ്റിക് ആയി പ്രവര്‍ത്തിക്കുന്നു, മാത്രമല്ല വൃക്കകള്‍ കഴുകാനും സഹായിക്കുന്നു.

മൂത്രാശയരോഗത്തെ അകറ്റാന്‍ ഏറ്റവും നല്ലതാണ് ക്രാന്‍ബെറി ജ്യൂസ്. മിക്കവരും അണുബാധ ഉണ്ടായ ശേഷമാണ് ഇതിനെ ആശ്രയിക്കുന്നത്. ക്രാന്‍ബെറി ജ്യൂസ് ദിവസവും ആഹാരത്തില്‍ ഉള്‍പ്പെടുത്തിയാല്‍ മൂത്രാശയരോഗം പിടിപെടില്ല.