Friday | 09 | June | 2023
-
ദഹനപ്രക്രിയ സുഗമമാക്കാന്‍ പാലിക്കേണ്ട ചില കാര്യങ്ങള്‍
-
ഹോര്‍മോണുകളുടെ താളം തെറ്റിക്കുന്ന ഈ അഞ്ച് ദുശ്ശീലങ്ങള്‍...
-
മുളകുകൊണ്ടുള്ള ലിപ്‌ഗ്ലോസ് പരീക്ഷണം; പണികിട്ടി യുവതി, വീഡിയോ
-
ഹൃദയത്തെ സംരക്ഷിക്കണോ? ഡയറ്റില്‍ ഉള്‍പ്പെടുത്താം ഈ ഭക്ഷണങ്ങള്‍...
-
ഉദ്ധാരണം വേണോ? ഇതൊക്കെ ഉപേക്ഷിക്കണം
-
ചൂട് കടുക്കുന്നു; സൂര്യാതപമേറ്റാല്‍ എങ്ങനെ പ്രതിരോധിക്കാം?
-
പനി കണക്കുകളില്‍ വര്‍ദ്ധന; ആന്റി ബയോട്ടിക്ക് ചികിത്സ കുറയ്ക്കണമെന്ന് ഐഎംഎ
-
ഇനി എന്തിന് പരീക്ഷപ്പേടി! ആത്മവിശ്വാസത്തോടെ എഴുതാം
-
അച്ഛന്‍ ഗര്‍ഭം ധരിച്ചു; സ്വപ്‌നത്തിലേക്ക് നടന്നടുത്ത് സഹദും സിയയും
-
സോഷ്യല്‍ മീഡിയ സൗഹൃദങ്ങള്‍ എങ്ങനെ ആയിരിക്കണം;ഈ കാര്യങ്ങള്‍ ശ്രദ്ധിക്കൂ
സമയക്കുറവ്, ശീഘ്രസ്ഖലനം....? സ്വയം പരിഹരിക്കാം, ഇതാ ചില ടിപ്‌സ്
By RK.15 02 2022
നിരവധി ലൈംഗിക പ്രശ്‌നങ്ങള്‍ പുരുഷന്മാരെ അലട്ടുന്നുണ്ട്. സമയക്കുറവും ശീഘ്രസ്ഖലനവുമാണ് ഇവയില്‍ ഏറ്റവും പ്രധാനം. ലൈംഗികതയോടുള്ള ഭയം, അമിത ഉത്കണ്ഠ, മറ്റു ശാരീരിക പ്രശ്‌നങ്ങള്‍ തുടങ്ങിയവയൊക്കെ ഇതിനു കാരണമായേക്കാം. ചിലരില്‍ ജനിതക പ്രശ്‌നങ്ങള്‍ മൂലവും ശീഘ്രസ്ഖലനമുണ്ടാകാം.
സമയക്കുറവ് പരിഹരിക്കുക എന്നത് ദാമ്പത്യവിജയത്തില്‍ പ്രധാനമാണ്. ഇടയ്‌ക്കൊക്കെ ശീഘ്രസ്ഖലനം സ്വാഭാവികമാണ്. എന്നാല്‍, സ്ഥിരമായി ശീഘ്രസ്ഖലനവും സമയക്കുറവു മൂലമുള്ള പ്രശ്‌നങ്ങളും ഉണ്ടാകുന്നുവെങ്കില്‍ ചികിത്സ തേടണം. ഈ പ്രശ്‌നങ്ങള്‍ സ്വയം പരിഹരിക്കാന്‍ സഹായിക്കുന്ന ചില ടിപ്‌സ്:
പച്ചക്കറികളും പഴങ്ങളും കഴിക്കാം
വെജിറ്റേറിയന്മാരായ പുരുഷന്മാര്‍ക്കു ലൈംഗികവേഴ്ചയ്ക്കു കൂടുതല്‍ സമയം കിട്ടുമെന്നാണ് പഠനങ്ങള്‍ പറയുന്നത്. പഴങ്ങളിലും പച്ചക്കറികളിലുംനിന്നു ലഭിക്കുന്ന പൊട്ടാസ്യം പോലുള്ള പോഷകങ്ങള്‍ കൂടുതല്‍ കരുത്ത് നല്‍കും. ലൈംഗികബന്ധത്തില്‍ ഏര്‍പ്പെടും മുന്‍പ് ഏത്തപ്പഴം കഴിക്കുന്നതു നല്ലതാണ്. ഏത്തപ്പഴത്തില്‍ ധാരാളം പൊട്ടാസ്യമുണ്ട്. ഗ്ലൂക്കോസിന്റെയും കലവറയാണിത്. ഇവ രണ്ടും ലൈംഗികബന്ധത്തിനു കൂടുതല്‍ ശേഷിയും സമയവും നല്‍കാന്‍ സഹായിക്കും. ദിവസവും ഒരു ഗ്ലാസ് നെല്ലിക്ക ജ്യൂസ് കുടിക്കുന്നതു സമയദൈര്‍ഘ്യം ലഭിക്കാന്‍ നല്ലതാണ്. നെല്ലിക്കയില്‍ അയണിന്റെയും സിങ്കിന്റെയും ഘടകങ്ങള്‍ ധാരാളമുണ്ട്. ലൈംഗികവേഴ്ചയ്ക്കു മുന്‍പു സ്‌ട്രോബറി കഴിച്ചാല്‍ ഉന്മേഷവും കൂടുതല്‍ സമയവും കിട്ടും.
പുകവലിയോട് 'നോ' പറയാം
പുരുഷന്മാരുടെ ലൈംഗികശേഷിയെ സാരമായി ബാധിക്കുന്നതാണ് പുകവലി. പുകവലി രക്തക്കുഴലുകളെ കട്ടിയാക്കുകയും ലിംഗത്തിലേക്കുള്ള രക്തപ്രവാഹം തടസ്സപ്പെടുത്തുകയും ചെയ്യും. സ്ഥിരമായി പുകവലിക്കുന്നവര്‍ക്ക്, പുകവലിക്കാത്തവര്‍ക്കു ലഭിക്കുന്നതിന്റെ പകുതിയോളം സമയമേ ലൈംഗികവേഴ്ചയ്ക്ക് കിട്ടൂ എന്നാണ് വിദഗ്ധരുടെ കണ്ടെത്തല്‍. ഇക്കൂട്ടരില്‍ മറ്റു ലൈംഗിക പ്രശ്‌നങ്ങളും പതിവാണ്.
നല്ല വ്യായാമം വേണം
പതിവായി വ്യായാമം ചെയ്യുന്നവര്‍ ലൈംഗികജീവിതം നന്നായി ആസ്വദിക്കുന്നവരാണ്. കൈകാലുകളുടെയും വയറിന്റെയും പേശികള്‍ കരുത്തുറ്റതാണെങ്കില്‍ ലൈംഗികവേഴ്ചയ്ക്കു കൂടുതല്‍ സമയം കിട്ടും. പതിവായി ബൈസെപ്‌സിനും ട്രൈസെപ്‌സിനുമുള്ള വ്യായാമം (കൈകളിലെ മസിലുകള്‍ക്കുള്ള വ്യായാമം) ചെയ്താല്‍ സമയക്കുറവിന്റെ പ്രശ്‌നം പരിഹരിക്കാം. ബോഡി- വെയ്റ്റ് എക്‌സര്‍സൈസും നല്ലതാണ്. ശരീരത്തിലെ രക്തപ്രവാഹം വര്‍ധിപ്പിക്കുന്ന വ്യായാമങ്ങളാണ് ഇവയെല്ലാം.
കെഗിള്‍സ് എക്‌സര്‍സൈസ്
കെഗിള്‍സ് എക്‌സര്‍സൈസ്, പെല്‍വിക് ഫ്‌ലോര്‍ എക്‌സര്‍സൈസ് എന്നിവ ലൈംഗികവേഴ്ചയ്ക്കു സമയക്കൂടുതല്‍ നല്‍കുന്നവയാണെന്നു കണ്ടെത്തിയിട്ടുണ്ട്. ഇത് ചെയ്യുന്ന വിധം. നിവര്‍ന്നു നിന്ന് ഒരു കാല്‍ മുന്നോട്ടും മറ്റേ കാല്‍ പിന്നോട്ടും വച്ചു നില്‍ക്കുക. രണ്ടു പാദങ്ങളും തമ്മില്‍ ഒരു മീറ്ററോളം അകലം വേണം. മുന്‍വശത്തെ മുട്ട് മെല്ലെ വളച്ച് ഇടുപ്പു ഭാഗം മുന്നോട്ടു തള്ളി നില്‍ക്കുക. 30 സെക്കന്‍ഡ് ഇതേരീതി തുടരുക. രണ്ടു കാലും മാറി മാറി ചെയ്യുക. പത്തു തവണയെങ്കിലും ആവര്‍ത്തിക്കുക.
എഡ്ജിങ് പരിശീലിക്കാം
സമയക്കുറവു സ്വയം പരിഹരിക്കാവുന്ന ലളിതമായ രീതിയാണ് എഡ്ജിങ്. ലൈംഗികവേഴ്ച സ്ഖലനത്തോടടുക്കുമ്പോള്‍ പെട്ടെന്ന് എല്ലാ ചലനങ്ങളും നിര്‍ത്തുക. കുറച്ചു സമയത്തിനുശേഷം വീണ്ടും തുടങ്ങുക. ഇത് ലൈംഗികവേഴ്ചയ്ക്കു കൂടുതല്‍ നിയന്ത്രണവും സമയവും നല്‍കും.
സ്‌ക്യൂസ് ടെക്‌നിക്
സ്ഖലനം നടക്കാന്‍ പോകുന്നുവെന്ന തോന്നലുണ്ടാകുമ്പോള്‍ ലിംഗത്തിന്റെ അഗ്രത്തില്‍ വിരലുകളുപയോഗിച്ച് അമര്‍ത്തിപ്പിടിക്കുന്ന രീതിയാണ് സ്‌ക്യൂസ് ടെക്‌നിക്. ഇങ്ങനെ ചെയ്യുമ്പോള്‍ ലിംഗത്തിലേക്കുള്ള രക്തപ്രവാഹം കുറയുകയും കൂടുതല്‍ സമയം കിട്ടുകയും ചെയ്യും.
ഫോര്‍പ്ലേയ്ക്ക് കൂടുതല്‍ സമയം
തിടുക്കം കാട്ടാതെയുള്ള ലൈംഗികബന്ധമാണ് ആരോഗ്യകരം. പുരുഷനിലും സ്ത്രീയിലും രതിമൂര്‍ച്ഛ സംഭവിക്കുമ്പോഴാണ് ലൈംഗികബന്ധം പൂര്‍ണതയിലെത്തുന്നത്. സമയക്കുറവുള്ള പുരുഷന്മാര്‍ക്കു സ്ത്രീയുടെ രതിമൂര്‍ച്ഛ വരെ കാത്തിരിക്കാന്‍ പറ്റാതായേക്കാം. അങ്ങനെയുള്ളവര്‍ ഫോര്‍പ്ലേയ്ക്ക് കൂടുതല്‍ സമയം കണ്ടെത്തുക.
