Tuesday | 07 | February | 2023
ചൂതുകളി
By ഡോ: അജയ് നാരായണൻ.05 05 2021
പരിശുദ്ധ റൂഹായെ
സാക്ഷിയാക്കി
ഞായറാഴ്ചകളിൽ
ഉച്ചമയക്കം കഴിഞ്ഞു
ചൂതുകളിക്കിരിക്കും
ദൈവം, സാത്താനൊപ്പം…
അന്നു മാത്രമേ ദൈവത്തിനു
അവധി കിട്ടുമായിരുന്നുള്ളു.
പാവം സാത്താൻ,
മനുഷ്യമനസ്സിലെന്നും
വിളക്കെണ്ണയിട്ടു
വികാരവിക്ഷോഭങ്ങൾക്കു
തിരികൊളുത്തുന്ന തിരക്കിൽ
ഒഴിവില്ലാതിരുന്നിട്ടും
വക്രബുദ്ധിയോടെ
ഞായറാഴ്ചക്കളിക്കായി
കാത്തിരിക്കും
ജയിക്കാനുള്ള ത്വരയോടെ…
എന്നിട്ടും നിരന്തരം
തോറ്റുകൊണ്ടേയിരുന്നു!
പ്രതികാരബുദ്ധിയോ
നിവൃത്തികേടോ
ദൈവത്തിന്റെ പറുദീസയിൽ
വളരുന്ന
കിട്ടാക്കനി കട്ടെടുത്തു
ഹവ്വയുടെ ഉദരത്തിൽ
നിക്ഷേപിച്ചുവത്രേ
സാത്താൻ,
ആദം പോലുമറിയാതെ!
അങ്ങനെയല്ലേ
മനുഷ്യപുത്രന്മാർ
ഭൂമിയിൽ
മണൽത്തരികളെപ്പോലെ
വരണ്ടമനസ്സുമായ്
ജനിച്ചത്!
പിന്നീടൊരിക്കലും
പരിശുദ്ധാത്മാവ്
ചൂതുകളി
കാണാനിരുന്നിട്ടില്ല!
നിഷേധജന്മങ്ങളതു പക്ഷെ
നിയമവിധേയമാക്കിയിട്ടുണ്ട്…
പന്തളം സഹകരണ ബാങ്ക് ആരോപണം; ഏരിയാ കമ്മറ്റി യോഗം ചൊവ്വാഴ്ച ചേരും
- ന്യുമോണിയ ഭേദമായതിനെ തുടര്ന്ന് ഉമ്മന് ചാണ്ടിയെ നാളെ ബംഗ്ലൂരിലേക്ക് കൊണ്ടുപോകും
- പുണെ-നാസിക് അതിവേഗ റെയില്‍പാത പദ്ധതിയ്ക്ക് അനുമതി
- കാലാവസ്ഥാ നിരീക്ഷണ ഉപകരണമെന്ന് ചൈന;ചാരപ്രവര്‍ത്തനം തന്നെയാണ് ഉദ്ദേശ്യമെന്ന് യുഎസ്
- അദാനി ഗ്രൂപ്പ് കമ്പനി ഓഹരി വിഷയം;പ്രതിപക്ഷ ബഹളത്തില് ലോക്സഭ,രാജ്യസഭാ നടപടികള് നിര്ത്തിവെച്ചു
