ഒരു നീണ്ട ഇടവേളയ്ക്ക് ശേഷം ആരാധകര്‍ക്ക് ലഭിച്ച ഷാരൂഖ് ഖാന്‍ ചിത്രം പഠാന്‍ സിനിമയെ പ്രകീര്‍ത്തിച്ച് എത്തിയിരിക്കുകയാണ് നടി കങ്കണ റണാവത്ത്.

പഠാന്‍ പോലെയുള്ള സിനിമകള്‍ വിജയിക്കുമ്പോള്‍ ഹിന്ദി സിനിമയിലേക്ക് പ്രേക്ഷകരെ പിന്നെയും ആകര്‍ഷിക്കാന്‍ സാധിക്കുമെന്നും അത് എല്ലാ സിനിമാ പ്രവര്‍ത്തകര്‍ക്കും പ്രചോദനമാണെന്നും കങ്കണ കുറിച്ചു.പത്ത് വര്‍ഷത്തിനടെ ഷാരൂഖ്ഖാനുണ്ടായ ആദ്യ ഹിറ്റാണ് പഠാന്‍.

ഇന്ത്യയിലെ പ്രേക്ഷകര്‍ അദ്ദേഹത്തിന് നല്‍കിയ അവസരം തങ്ങളെപ്പോലെ എല്ലാവര്‍ക്കും നല്‍കുമെന്ന വിശ്വാസത്തിലാണ് താനെന്ന് കങ്കണ കുറിച്ചു. എന്റെ മുന്‍ ചിത്രം 'ധാക്കഡ്' കനത്ത പരാജയം സംഭവിച്ചിരുന്നു. അതേക്കുറിച്ച് സത്യന്ധമായി മാത്രമേ ഞാന്‍ പറഞ്ഞിട്ടുള്ളൂ.

ഞങ്ങളും ഇപ്പോള്‍ അദ്ദേഹത്തെ കണ്ട് പഠിക്കുകയാണ്. അദ്ദേഹത്തിന് അവസരം നല്‍കിയതുപോലെ ആളുകള്‍ ഞങ്ങളെയും സ്വീകരിക്കുമെന്ന് കങ്കണ പറഞ്ഞു.തന്നെ പരിഹസിച്ച് രംഗത്തെത്തിയ ഒരു ട്വീറ്റിന് മറുപടിയുമായി വന്നതാണ് കങ്കണ.

പരാജയങ്ങള്‍ മാത്രമുള്ള നടിയാണ് കങ്കണയെന്നും പഠാനെക്കുറിച്ച് പറയാന്‍ എന്ത് അര്‍ഹതയുണ്ടെന്നുമായിരുന്നു ട്വീറ്റ്.ഇന്ത്യന്‍ ജനത ഖാന്‍ ത്രയങ്ങളെ സ്നേഹിച്ചിട്ടേയുള്ളൂവെന്നും ഇതുപോലൊരു രാജ്യം ലോകത്തെവിടേയുമില്ലെന്നും കങ്കണ പ്രതികരിച്ചു.

പഠാന്റെ വിജയത്തെ കുറിച്ചുള്ള പ്രിയങ്ക ഗുപ്തയുടെ ട്വീറ്റ് പങ്കുവെച്ച് കൊണ്ടായിരുന്നു നടിയുടെ പ്രതികരണം. പഠാന്റെ വിജയത്തിനുള്ള കാരണം അക്കമിട്ട് പറഞ്ഞു കൊണ്ടായിരുന്നു പ്രിയങ്ക ഗുപ്തയുടെ ട്വീറ്റ്.

പഠാന്റെ അതിവേഗത്തിലുള്ള, പിടിച്ചുകെട്ടാനാവാത്ത വിജയത്തില്‍ ഷാരൂഖ് ഖാനും ദീപിക പദുക്കോണിനും അഭിനന്ദനങ്ങള്‍.

കങ്കണയുടെ മറുപടി ഇങ്ങനെ

ഇത് മികച്ച നിരീക്ഷണം. ഈ രാജ്യം എല്ലായിപ്പോഴും ഖാന്‍മാരെ സ്നേഹിച്ചിട്ടേയുളളൂ. ചില സമയങ്ങളില്‍ ഖാന്‍മാരെ മാത്രമേ സ്നേഹിക്കുന്നുള്ളൂ. കൂടാതെ, മുസ്ലിം നടിമാരോട് പ്രത്യേക അഭിനിവേശവുമുണ്ട്.

അതുകൊണ്ടു തന്നെ ഇന്ത്യയെ വെറുപ്പിന്റെയും ഫാസിസത്തിന്റെയും പേരില്‍ ആക്ഷേപിക്കുന്നത് നീതിയല്ല. ഈ ലോകത്ത് ഭാരതം പോലൊരു രാജ്യം എവിടേയും ഉണ്ടാകില്ല എന്നും നടി കങ്കണ ട്വീറ്റ് ചെയ്തു.