അടൂർ സാറിനോട് രണ്ട് വാക്ക്; അടൂർ ​ഗോപാലകൃഷ്ണനെതിരെ വിമർശനവുമായി നടൻ ധർമജൻ ബോൾ​ഗാട്ടി

By Lekshmi.25 01 2023

imran-azhar

 

 

 

മോഹന്‍ലാലിനെക്കുറിച്ച് സംവിധായകന്‍ അടൂര്‍ ഗോപാലകൃഷ്ണന്‍ നടത്തിയ പരാമര്‍ശത്തിനെതിരെ നടന്‍ ധര്‍മ്മജന്‍.ഇതേ വിഷയത്തില്‍ മേജര്‍ രവിയും അടൂരിനെതിരെ രംഗത്തെത്തിയിരുന്നു.കെ ആര്‍ നാരായണന്‍ ഇന്‍സ്റ്റിറ്റ്യൂട്ടിലെ വിഷയവുമായി ബന്ധപ്പെട്ട് അടൂര്‍ ഗോപാലകൃഷ്ണന്‍ നല്‍കിയ അഭിമുഖത്തിലാണ് മോഹന്‍ലാലിനെക്കുറിച്ച് 'നല്ലവനായ ഗുണ്ട' എന്ന പരാമര്‍ശം ഉണ്ടാകുന്നത്.

 

 

 

'അടൂര്‍ സാറിനോട് രണ്ട് വാക്ക് പറയണമെന്ന് തോന്നിയത് കൊണ്ടാണ്' എന്ന് തുടങ്ങുന്ന പോസ്റ്റില്‍ മോഹന്‍ലാലിനെ ഗുണ്ടയായിട്ട് കാണുന്ന അടൂരിന്റെ നിലപാടില്‍ തനിക്ക് വിയോജിപ്പാണെന്നും ധര്‍മ്മജന്‍ പറയുന്നു.അടൂര്‍ സാര്‍ മോഹന്‍ലാലിന്റെ നല്ല സിനിമകള്‍ കണ്ടിട്ടില്ലാത്തത് കൊണ്ടാണ്,മോഹന്‍ലാല്‍ സാധാരണക്കാരനായിട്ട് അഭിനയിച്ച ഒരുപാട് സിനിമകളുണ്ട്.

 

 

 

അടൂര്‍ സാറിന് ലാലേട്ടന്‍ ഗുണ്ടയായിട്ട് തൊന്നുന്നുണ്ടാകും പക്ഷെ ഞങ്ങള്‍ക്ക് തോന്നുന്നില്ല.അടൂര്‍ സാറിനോടുള്ള എല്ലാ ബഹുമാനവും വെച്ചിട്ട് പറയട്ടെ, സാറിന്റെ പടത്തില്‍ അഭിനയിപ്പിച്ചിട്ടില്ലെങ്കിലും കുഴപ്പമില്ല പക്ഷെ മോഹന്‍ലാല്‍ എന്നും വലിയ നടനാണ്. സാര്‍ സാറിന് പറ്റിയ ആളുകളെകൊണ്ട് അഭിനയിപ്പിച്ചോളൂ പക്ഷെ ലാലേട്ടന് നേരെ മോശം വാക്കുകള്‍ ഉപയോഗിക്കരുത്.'എന്നാണ് ധര്‍മ്മജന്‍ കുറിക്കുന്നത്.

 

 

 

അടൂരിനെതിരെ കുറേക്കൂടി രൂക്ഷ വിമര്‍ശനവുമായാണ് നടനും സംവിധായകനുമായ മേജര്‍ രവി എത്തിയത്.മോഹന്‍ലാലിനൊപ്പം സിനിമ ചെയ്യാന്‍ തയ്യാറായിരുന്നെന്ന് അടൂര്‍ സന്നദ്ധതയറിയിച്ചിരുന്നു, അത് നല്ലവനായ ഗുണ്ടയായിരുന്നതിനാലാണോ എന്നും എന്തുകൊണ്ടാണ് ആ ചിത്രം നടക്കാതെ പോയതെന്നുമാണ് മേജര്‍ രവി പോസ്റ്റില്‍ ചോദിക്കുന്നത്.'കുറച്ചു വര്‍ഷങ്ങള്‍ക്ക് മുമ്പ്, താങ്കള്‍, ശ്രീ മോഹന്‍ലാല്‍ എന്ന 'നല്ലവനായ റൗഡിയെ' താങ്കളുടെ വീട്ടിലേക്ക് ക്ഷണിക്കുകയുണ്ടായി.

 

 

 

റൗഡികളുടെ കഥ അല്ലാതിരുന്നിട്ടു കൂടി, ഒട്ടും മടിയില്ലാതെ, സന്തോഷത്തോടെ ആ ആവശ്യം ശ്രീ മോഹന്‍ലാല്‍ സ്വീകരിച്ചു.കാതലായ ചോദ്യം ഇതാണ്.അന്ന് താങ്കള്‍ ക്ഷണിച്ചപ്പോള്‍, അദ്ദേഹം റൗഡി ആയിരുന്നില്ലേ, അതോ നല്ലവനായ റൗഡി ആയതുകൊണ്ടായിരുന്നോ ക്ഷണം? ആ ചിത്രത്തില്‍ പക്ഷേ മോഹന്‍ലാല്‍ അഭിനയിച്ചില്ല.ഇതിന്റെ കാരണം എന്തെന്ന് ഈ ലോകത്ത് അങ്ങയ്ക്കും, ശ്രീ ലാലിനും ഇതെഴുതുന്ന എനിക്കും കുറച്ചാളുകള്‍ക്ക് മാത്രം അറിയാം.പിന്നെ 'അദ്ദേഹം വെറുമൊരു റൗഡിയല്ല, നല്ലവനായ റൗഡിയാണ്'.അതുകൊണ്ടാവാം അദ്ദേഹം അതില്‍ നിന്ന് പിന്മാറിയത്.'എന്നാണ് മേജര്‍ രവി കുറിച്ചത്.

 

 

 

 

 

 

OTHER SECTIONS