സിനിമ, സീരിയല്‍ നിര്‍മ്മാതാവ് വി ആര്‍ ദാസ് അന്തരിച്ചു

By Priya.28 01 2023

imran-azhar

 


സിനിമ, സീരിയല്‍ നിര്‍മ്മാതാവ് വി ആര്‍ ദാസ് അന്തരിച്ചു.73 വയസ്സായിരുന്നു. അദ്ദേഹം മൂന്ന് സിനിമകളും രണ്ട് മെഗാ സീരിയലുകളും ഷോര്‍ട്ട് ഫിലിമുകളും ഡോക്യുമെന്ററികളും നിര്‍മ്മിച്ചിട്ടുണ്ട്.

 

പി എന്‍ മേനോന്‍ സംവിധാനം ചെയ്ത നേര്‍ക്കുനേര്‍, അശോക് ആര്‍ നാഥ് സംവിധാനം ചെയ്ത മിഴികള്‍ സാക്ഷി, സുഭാഷ് തിരുവില്വാമല സംവിധാനം ചെയ്ത കളര്‍ ബലൂണ്‍ എന്നിവയാണ് വി ആര്‍ ദാസ് നിര്‍മ്മിച്ച ചിത്രങ്ങള്‍.

 

യുഎഇ പശ്ചാത്തലമാക്കിയ മണല്‍ നഗരം, ഡ്രീം സിറ്റി എന്നീ സിരിയലുകളാണ് അദ്ദേഹം നിര്‍മ്മിച്ചത്.50 വര്‍ഷത്തെ പ്രവാസ ജീവിതത്തിന് ശേഷം ഈയടുത്താണ് അദ്ദേഹം നാട്ടില്‍ സ്ഥിരതാമസമാക്കിയത്.ഭാര്യ വിലാസിനി, മക്കള്‍ രജിത ദാസ്, സജിത ദാസ്, മരുമക്കള്‍ രജോഷ് നായര്‍, ശ്രീജിത്ത്.

 

 

 

OTHER SECTIONS