നിവിന്‍ പോളി ആസിഫ് അലി ചിത്രം മഹാവീര്യര്‍ ഒടിടിയിലേയ്ക്ക്

By Lekshmi.07 02 2023

imran-azhar

 

 

എബ്രിഡ് ഷൈന്‍ ചിത്രം മഹാവീര്യര്‍ ഒ ടി ടിയിലേയ്ക്ക്.മികച്ച നിരൂപക പ്രശംസയില്‍ ശ്രദ്ധേയമായ മഹാവീര്യര്‍ ഒ ടി ടി പ്ലാറ്റ്‌ഫോമായ സണ്‍ നെക്‌സ്റ്റില്‍ സ്ട്രീമിംഗ് ആരംഭിക്കുന്നു.തീയേറ്ററുകളില്‍ സമ്മിശ്ര പ്രതികരണം നേടിയ ചിത്രം കഥയിലും അവതരണത്തിലും ഏറെ വ്യത്യസ്ഥതകള്‍ പുലര്‍ത്തിയരുന്നു.പോളി ജൂനിയര്‍ പിക്‌ചേഴ്‌സ്, ഇന്ത്യന്‍ മൂവി മേക്കേഴ്‌സ് എന്നീ ബാനറുകളില്‍ യുവ താരം നിവിന്‍ പോളി, പി. എസ് ഷംനാസ് എന്നിവര്‍ ചേര്‍ന്ന് നിര്‍മ്മിച്ച എബ്രിഡ് ഷൈന്‍ ചിത്രം മഹാവീര്യര്‍ ഫെബ്രുവരി 10 മുതലാണ് സ്ട്രീമിംഗ് ആരംഭിക്കുന്നത്.

 

 

 

നിവിന്‍ പോളി, ആസിഫ് അലി, ലാല്‍, ലാലു അലക്‌സ്, സിദ്ധിഖ്, ഷാന്‍വി ശ്രീവാസ്തവ, വിജയ് മേനോന്‍, മേജര്‍ രവി, മല്ലിക സുകുമാരന്‍, സുധീര്‍ കരമന, കൃഷ്ണ പ്രസാദ്, പദ്മരാജന്‍ രതീഷ്, സുധീര്‍ പറവൂര്‍, കലാഭവന്‍ പ്രജോദ്, പ്രമോദ് വെളിയനാട്, ഷൈലജ പി അമ്പു എന്നിവരാണ് ചിത്രത്തില്‍ കേന്ദ്രകഥാപാത്രങ്ങളായെത്തുന്നത്. സാഹിത്യകാരന്‍ എം.മുകുന്ദന്റെ കഥയുടെ ചലച്ചിത്രാവിഷ്‌ക്കാരമാണ് എബ്രിഡ് ഷൈന്‍ ഒരുക്കിയത്.

 

 

 

ടൈം ട്രാവലും ഫാന്റസിയും കോടതിയുടെ നിയമ വ്യവഹാരങ്ങളും മുഖ്യ പ്രമേയമായിരിക്കുന്ന ചിത്രം, നര്‍മ്മ-വൈകാരിക മുഹൂര്‍ത്തങ്ങള്‍ക്കും പ്രാധാന്യം നല്‍കിയാണ് ഒരുക്കിയിരുന്നത്.സംസ്ഥാന അവാര്‍ഡ് ജേതാവായ ചന്ദ്രു സെല്‍വരാജ് ഛായാഗ്രഹണം നിര്‍വഹിച്ച ചിത്രത്തിന് ഇഷാന്‍ ചാബ്രയാണ് സംഗീതവും പശ്ചാത്തല സംഗീതവും ഒരുക്കിയത്.

 

 

 

ചിത്രസംയോജനം മനോജ്, ശബ്ദ മിശ്രണം വിഷ്ണു ഗോവിന്ദ്, ശ്രീ ശങ്കര്‍, കലാ സംവിധാനം അനീസ് നാടോടി, വസ്ത്രാലങ്കാരം ചന്ദ്രകാന്ത്, മെല്‍വി. ജെ, ചമയം ലിബിന്‍ മോഹനന്‍, മുഖ്യ സഹ സംവിധാനം ബേബി പണിക്കര്‍ തുടങ്ങിയവരാണ് മറ്റ് അണിയറ പ്രവര്‍ത്തകര്‍. പി ആര്‍ ഒ ശബരി.

OTHER SECTIONS