താരങ്ങളുടെ കുട്ടിക്കാലത്തെ ചിത്രങ്ങള്‍ എല്ലാം പെട്ടെന്ന് വൈറല്‍ ആകാറുണ്ട് .ഇപ്പോഴിതാ മലയാളികള്‍ക്കും പ്രിയങ്കരിയായ ഒരു ഗായികയുടെ കുട്ടിക്കാല ഫോട്ടോയാണ് പുറത്തുവരുന്നത്. മലയാളി അല്ലെങ്കിലും ശരാശരി കേരളീയ സംഗീതാസ്വാദകര്‍ക്ക് പ്രിയങ്കരിയായ അനുരാധ ശ്രീറാമിന്റേതാണ് ഫോട്ടോ.

ഒപ്പം സൂപ്പര്‍ സ്റ്റാര്‍ രജനികാന്തും ഉണ്ട്. 1980ല്‍ കാളി എന്ന ചിത്രത്തില്‍ രജനികാന്തിനോടൊപ്പം ബാലതാരമായി അനുരാധ അഭിനയിച്ചിരുന്നു. ആ സമയത്ത് എടുത്ത ഫോട്ടോയാണ് സോഷ്യല്‍ മീഡിയയില്‍ പ്രചരിക്കുന്നത്.

റിയാലിറ്റി ഷോകളിലൂടെയും മറ്റുമാണ് അനുരാധയെ മലയാളിക്കു സുപരിചിതം. മുന്‍ഗായിക രേണുകാ ദേവിയുടെ മകള്‍ കൂടിയാണ് അനുരാധ. 1995ല്‍ ബോംബെ എന്ന ചിത്രത്തിലെ മലരോട് മലരിങ്ങ് എന്ന ഗാനം ആലപിച്ചു കൊണ്ടാണ് അനുരാധ ഗായികയായി അരങ്ങേറ്റം കുറിക്കുന്നത്.

എ ആര്‍ റഹ്മാന്റെ തന്നെ ഇന്ദിരയിലെ അച്ചം അച്ചം ഇല്ലൈ ആയിരുന്നു ആദ്യത്തെ സോളോ ഗാനം. 1997ല്‍ പുറത്തിറങ്ങിയ ചെന്നൈ ഗേള്‍ എന്ന ആല്‍ബം വലിയ ഹിറ്റായിരുന്നു. പന്ത്രണ്ടാം വയസ്സു മുതല്‍ സംഗീത വേദികളില്‍ സജീവമായിരിക്കുന്ന

അനുരാധ, നിരവധി റേഡിയോ, ടെലിവിഷന്‍ പരിപാടികളിലും പങ്കെടുത്തിട്ടുണ്ട്. അറേബ്യ എന്ന ചിത്രത്തിലെ ഹമ്മ ഹോയ് എന്ന ഗാനം മനോയ്ക്കൊപ്പം പാടിയാണ് അനുരാധ ആദ്യമായി മലയാളത്തില്‍ എത്തിയത്.