ഒന്നര വർഷത്തെ പ്രവേശന വിലക്ക് നീക്കി കുവൈത്ത്‌; വാക്‌സിന്‍ എടുത്തവര്‍ക്ക് ഓഗസ്റ്റ് 1 മുതല്‍ പ്രവേശനം

By sisira.17 06 2021

imran-azhar

 

 

 

 

ദുബായ്: കോവിഡ് സാഹചര്യത്തിൽ ഏര്‍പ്പെടുത്തിയ പ്രവേശന വിലക്ക് നീക്കാനൊരുങ്ങി കുവൈത്ത്. വാക്‌സിന്‍ സ്വീകരിച്ച കുവൈത്ത് താമസ വിസയുള്ള വിദേശികള്‍ക്ക് ഓഗസ്റ്റ് ഒന്ന് മുതല്‍ രാജ്യത്തേക്ക് പ്രവേശനാനുമതിയുണ്ട്.

 

ഫൈസര്‍, ആസ്ട്രസെനക, മൊഡേണ, ജോണ്‍സണ്‍ ആന്‍ഡ് ജോണ്‍സണ്‍ എന്നിവയാണ് കുവൈത്ത് അംഗീകരിച്ച വാക്‌സിനുകള്‍. ഈ വാക്‌സിന്‍ സ്വീകരിച്ചവര്‍ക്കാണ് പ്രവേശനാനുമതി.

 

കഴിഞ്ഞ ഒന്നര വര്‍ഷമായി ഇന്ത്യ ഉള്‍പ്പെടെയുള്ള രാജ്യക്കാര്‍ക്ക് ഏര്‍പ്പെടുത്തിയിരിക്കുന്ന വിലക്കാണ് കുവൈത്ത് മന്ത്രിസഭ നീക്കുന്നത്.

 

ഓഗസ്റ്റ് ഒന്ന് മുതല്‍ വിദേശികള്‍ക്കുള്ള പ്രവേശന വിലക്ക് നിയന്ത്രണങ്ങളോടെ നീക്കുകയാണന്ന് മന്ത്രിസഭ അറിയിച്ചു. കുവൈത്ത് അംഗീകരിച്ച വാക്‌സിന്‍ സ്വീകരിച്ചവര്‍ക്കാണ് ഉപാധികളോടെ രാജ്യത്തേക്ക് വരാന്‍ അനുമതിയുള്ളത്.

 

അതേസമയം ഇന്ത്യയില്‍ നല്‍കുന്ന കൊവാക്‌സിന് കുവൈത്ത് അംഗീകാരം നല്‍കിയിട്ടില്ല. എന്നാൽ ആസ്ട്രാസെനക ഇന്ത്യയിലും വിതരണം ചെയ്യുന്നതിനാൽ തീരുമാനം പതിനായിരക്കണക്കിന് പ്രവാസികള്‍ക്ക് ഗുണകരമായേക്കുമെന്നാണ് വിലയിരുത്തല്‍.

OTHER SECTIONS