ന്യൂയോര്‍ക്ക്: അമേരിക്കക്കാരനായ മീന്‍പിടുത്തക്കാരനാണ് ഇത് ലഭിച്ചത്. ഇത് വളരെ അപൂര്‍വ്വമായ ഒരു കൊഞ്ചാണ്. ഫോട്ടോ എടുത്ത ശേഷം അദ്ദേഹം ഇതിനെ കടലിലേക്ക് തന്നെ തിരികെ വിട്ടു.ഇത് അപൂര്‍വമായ ഒരു ഭാഗ്യമാണെന്ന് മീന്‍ പിടിത്ത കമ്പനിയായ ക്യാപ്റ്റന്‍ ജോ ആന്‍ഡ് സണ്‍സ് ലോബ്സ്റ്റര്‍ കമ്പനിയുടെ സഹ ഉടമ കൂടിയായ ജോയി സിയാമിട്ടാരോ ഫോട്ടോയ്ക്ക് നല്‍കിയ തലക്കെട്ടില്‍ സൂചിപ്പിച്ചിട്ടുണ്ട്.

മത്സ്യത്തൊഴിലാളിയുടെ വലയില്‍ കുടുങ്ങിയ നീലക്കൊഞ്ച് ഇന്റര്‍നെറ്റിലെ താരം. സാധാരണ കൊഞ്ചുകള്‍ ബ്രൗണ്‍/ ചുവപ്പ് നിറങ്ങളിലാണു കാണപ്പെടുന്നത്. നീലക്കൊഞ്ചുകള്‍ ഉണ്ടാകാനുള്ള സാധ്യത 20 ലക്ഷത്തിലൊന്നാണെന്നാണു ഗവേഷകര്‍ പറയുന്നത്.അപൂര്‍വ കൊഞ്ചിനെയാണു ലഭിച്ചതെന്നു ജോഹാന്‍ ലാര്‍സന്‍ അറിഞ്ഞില്ല. പോര്‍ട്ട്ലാന്‍ഡ് തീരത്തുനിന്നാണ് അദ്ദേഹത്തിനു നീലക്കൊഞ്ചിനെ കിട്ടിയത്. ഫോട്ടോ എടുത്ത ഉടന്‍ ലാര്‍സന്‍ അതിനെ ജലത്തിലേക്കുതന്നെ വിടുകയും ചെയ്തു.

പിന്നീട് ചിത്രം ട്വീറ്റ് ചെയ്തപ്പോഴാണ് അത്ഭുതാവഹമായ പ്രതികരണങ്ങള്‍ വന്നുതുടങ്ങിയത്. 5,16,000 ലൈക്കും 43,000 ഷെയറുകളുമായി ചിത്രം ലോകമെങ്ങും പ്രചരിപ്പിക്കപ്പെട്ടു. ഇത്തരം കൊഞ്ചിനെ ആദ്യമായിട്ടാണു കാണുന്നതെന്ന് നിരവധി ആളുകള്‍ കുറിച്ചു.പലരുടെയും വാക്കുകളില്‍ നീലക്കൊഞ്ചിനെ കണ്ടതിന്റെ വിസ്മയവും സന്തോഷവും നിറഞ്ഞൊഴുകി. അപൂര്‍വ ഇനം കൊഞ്ചിനെ തങ്ങള്‍ക്കും കിട്ടിയിട്ടുണ്ടെന്ന് ചുരുക്കം ചിലര്‍ ഇതിനിടെ അറിയിക്കുകയും ചെയ്തു.

1993 ല്‍ തനിക്കു കിട്ടിയ കൊഞ്ചിനെ മീന്‍വളര്‍ത്തല്‍ കേന്ദ്രത്തിനു കൊടുത്തുവെന്നാണ് ഒരാള്‍ എഴുതിയത്.ജനിതകവൈകല്യംകൊണ്ടാണ് ഇവയുടെ നിറം നീലയായി മാറുന്നതെന്നും ചില പ്രോട്ടീനുകള്‍ കൂടുതലായി ഉല്‍പ്പാദിപ്പിക്കാന്‍ ഇവയ്ക്കു കഴിവുണ്ടെന്നും വിദഗ്ധര്‍ പറയുന്നു.ഒരു മത്സ്യത്തൊഴിലാളിയ്ക്ക് കഴിഞ്ഞ ദിവസം കടല്‍ നല്‍കിയ അപൂര്‍വ്വ സമ്മാനമാണ് ഇപ്പോള്‍ സാമൂഹ്യമാധ്യമങ്ങളിലെ താരം. ഒരു വലിയ നീലക്കൊഞ്ചാണ് അദ്ദേഹത്തിന് കടല്‍ നല്‍കിയത്.