കൊറോണ വൈറസിന്റെ സാന്നിധ്യം വവ്വാലുകളിൽ !

By Aswany mohan k.13 06 2021

imran-azhar

 

 


വാഷിങ്ടൻ: കൊറോണ വൈറസിന്റെ സാന്നിധ്യം വവ്വാലുകളിൽ കണ്ടെത്തിയെന്ന അവകാശ വാദവുമായി ചൈനീസ് ഗവേഷകർ.

 

കോവിഡ്–19 വൈറസിനോടു ജനിതകമായി ഏറ്റവും അടുത്തു നിൽക്കുന്ന രണ്ടാമത്തെ വകഭേദമാണു വവ്വാലുകളിൽ കണ്ടെത്തിയതെന്നാണു റിപ്പോർട്ട്.

 


‘പലതരം വവ്വാലുകളിൽനിന്നു ഗവേഷകർ നോവൽ കൊറോണ വൈറസിന്റെ 24 ജീനോമുകളെ കൂട്ടി യോജിപ്പിച്ചു. ഇതിൽ സാർസ് കോവ്–2വിനു സമാനമായ നാല് കൊറോണ വൈറസ് അടങ്ങിയിരുന്നു.

 

വനങ്ങളിൽ കാണപ്പെട്ട ചെറിയ വവ്വാലുകളിൽനിന്നു മേയ് 2019 മുതൽ നവംബർ 2020 വരെയുള്ള കാലയളവിനിടെയാണു സാംപിളുകൾ ശേഖരിച്ചത്.’– ഷാഡോങ് സർവകലാശാലയിലെ ഗവേഷക വിദ്യാർഥികൾ പറഞ്ഞു.

 

ജൂൺ 2020ൽ തായ്‌ലൻഡിൽനിന്നു ശേഖരിച്ച സാർസ് കോവ്–2 വൈറസ് സാംപിളുമായി താരതമ്യം ചെയ്യുമ്പോൾ വവ്വാലുകൾക്കിടയിലെ വൈറസ് വ്യാപന സാധ്യത വ്യക്തമാകുമെന്നും ചില ഇടങ്ങളിൽ ഇതു വളരെ ഉയർന്ന തോതിൽ ആയിരിക്കുമെന്നും ഗവേഷകർ പറയുന്നു.

 

നിലവിലെ കോവിഡ് വ്യാപനത്തിനു കാരണമായ വൈറസുകളോടു വളരെ സാദൃശ്യമുള്ള വൈറസിനെ ഇതിൽനിന്നു കണ്ടെത്താനായെന്നും ഗവേഷകര്‍ പറയുന്നു.

 

 

OTHER SECTIONS