റിയാദ്: സൗദി അറേബ്യയില്‍ ജോലി ചെയ്യുന്ന വിദേശികള്‍ക്ക് പുത്തന്‍ അവസരമൊരുക്കി വിദേശകാര്യ മന്ത്രാലയം.അവരുടെ കൂടുതല്‍ ബന്ധുക്കളെ കൂടി സന്ദര്‍ശന വിസയില്‍ കൊണ്ടുവരാന്‍ അനുമതി നല്‍കി.മുന്‍പ് ലഭിക്കാതിരുന്ന വിഭാഗങ്ങളെ കൂടി വിദേശകാര്യ മന്ത്രാലയം വെബ്സൈറ്റില്‍ ഉള്‍പ്പെടുത്തി.

മാതാപിതാക്കള്‍, ഭാര്യ, മക്കള്‍, ഭാര്യയുടെ മാതാപിതാക്കള്‍ എന്നിരെ മാത്രമാണ് കൊണ്ടു വരാന്‍ ആദ്യം അനുമതിയുണ്ടായിരുന്നത്. മറ്റുള്ളവര്‍ എന്ന വിഭാഗത്തില്‍ ഏതാനും ബന്ധുക്കളെ കൊണ്ടു വരാനുള്ള അനുമതിയായിരുന്നു. ഇപ്പോള്‍ ഈ പട്ടിക വിപുലമാക്കി.

മാതൃസഹോദരന്‍, മാതൃസഹോദരി, പിതൃസഹോദരന്‍, പിതൃസഹോദരി, പിതാമഹന്‍, മുത്തശ്ശി, പേരമക്കള്‍, സഹോദരരുടെ മക്കള്‍ എന്നിവരെ കൂടിയാണ് പട്ടികയില്‍ ചേര്‍ത്തിരിക്കുന്നത്.ബന്ധുക്കള്‍ക്കും കുടുംബ വിസയില്‍ സൗദി സന്ദര്‍ശിക്കാന്‍ അവസരം ലഭിക്കും.

മറ്റുള്ളവര്‍ എന്ന കോളം കൂടിയുണ്ട്. മുകളില്‍ പറഞ്ഞ പട്ടികയില്‍ ഇല്ലാത്ത ബന്ധുക്കളെ കൂടി ചേര്‍ക്കാനാണിത്.