ENGLISH EDITION PRINT EDITION
ENGLISH EDITION|PRINT EDITION
  1. Home
  2. News
  3. Kerala

KERALA

ആരോഗ്യ പ്രവർത്തകരെ തടഞ്ഞുവച്ചതായി ആക്ഷേപം; സംഭവം കുപ്പപ്പുറം പ്രാഥമികാരോഗ്യ കേന്ദ്രത്തിൽ

UPDATED19 minutes ago

ആലപ്പുഴ: വാക്സിൻ വിതരണത്തിൽ ക്രമവിരുദ്ധമായ നടപടിയെന്നാരോപിച്ച് ആലപ്പുഴയിലെ കുപ്പപ്പുറം പ്രാഥമികാരോഗ്യ കേന്ദ്രത്തിൽ ആരോഗ്യ പ്രവർത്തകരെ തടഞ്ഞുവച്ചതായി ആക്ഷേപം. നിശ്ചയിച്ച ക്വാട്ട പ്രകാരമുള്ള വാക്‌സിൻ വിതരണം മാത്രമേ സാധ്യമാകുവെന്ന ആരോഗ്യ കേന്ദ്രം അധികൃതരുടെ നിലപാടിനെതിരെയായിരുന്നു കൈനകരി പഞ്ചായത്ത് പ്രസിഡന്റിന്റെ നേതൃത്വത്തിലുള്ള അതിക്രമം. രണ്ട് മണിക്കൂറോളമാണ് ആരോഗ്യപ്രവർത്തകർ തടഞ്ഞുവെച്ചത്.

കോഴിക്കോട് പക്ഷിപ്പനിയില്ല, സാമ്പിൾ പരിശോധന ഫലം നെഗറ്റീവ്

UPDATED56 minutes ago

കോഴിക്കോട്: കോഴിക്കോട് കൂരാച്ചുണ്ട് പഞ്ചായത്തിൽ കോഴികൾ കൂട്ടമായി ചത്തത് പക്ഷിപ്പനിയെ തുടർന്നല്ലെന്ന് സ്ഥിരീകരണം. ഭോപ്പാലിലെ ലാബിലേക്ക് അയച്ച സാമ്പിളുകളുടെ പരിശോധന ഫലം നെഗറ്റീവ് ആയി. കഴിഞ്ഞ ദിവസം രാജ്യത്ത് പക്ഷിപ്പനി മരണം സ്ഥിരീകരിച്ചിരുന്നു. ഈ വർഷം ആദ്യമായാണ് പക്ഷിപ്പനി മരണം റിപ്പോർട്ട് ചെയ്യുന്നത്. ഡൽഹിയിലാണ് പക്ഷിപ്പനി ബാധിച്ചുള്ള മരണം റിപ്പോർട്ട് ചെയ്തത്.

ഒറ്റ ദിവസം നാലര ലക്ഷം പേര്‍ക്ക് വാക്‌സിന്‍ നൽകി കേരളം; സ്റ്റോക്കുള്ളത് രണ്ട് ലക്ഷത്തോളം ഡോസ് വാക്‌സിന്‍

UPDATED2 hours ago

തിരുവനന്തപുരം: സംസ്ഥാനത്ത് ഇന്ന് റെക്കോർഡ് വാക്സിനേഷൻ. ഒറ്റ ദിവസം കൊണ്ട് നാലര ലക്ഷം പേർക്കാണ് വാക്സിൻ നൽകിയത്. സംസ്ഥാനത്ത് ഇന്നലെ വൈകുന്നേരം ലഭിച്ച 2 ലക്ഷം ഡോസ് വാക്സീനും ചേർത്ത് ഇന്ന് രാവിലെ ഉണ്ടായിരുന്നത് 602980 ഡോസ് വാക്സീൻ ആണ്. ഇന്ന് വന്ന 38,860 ഡോസ് കോവാക്‌സിന്‍ ഉള്‍പ്പെടെ ഇനി സംസ്ഥാനത്ത് രണ്ട് ലക്ഷത്തോളം വാക്‌സിന്‍ മാത്രമാണ് സ്റ്റോക്കുള്ളത്. ആരോഗ്യമന്ത്രി വീണ ജോർജാണ് ഇക്കാര്യം അറിയിച്ചത്. മികച്ച രീതിയില്‍ വാക്‌സിന്‍ നല്‍കുന്ന സംസ്ഥാനമാണ് കേരളം. ദേശീയ ശരാശരിയേക്കാള്‍ കൂടുതലാണ് സംസ്ഥാനത്തെ വാക്‌സിനേഷന്‍. ആരോഗ്യ പ്രവര്‍ത്തകര്‍ക്കും മുന്നണി പേരാളികള്‍ക്കുമുള്ള ആദ്യ ഡോസ് വാക്‌സിനേഷന്‍ 100 ശതമാനത്തിലെത്തിച്ചു. ഈ ആഴ്ച മാത്രം 16 ലക്ഷത്തോളം പേര്‍ക്കാണ് വാക്‌സിന്‍ നല്‍കിയത്. ഇതോടെ ഒരു ദിവസം 4 ലക്ഷത്തിന് മുകളില്‍ വാക്‌സിന്‍ നല്‍കാന്‍ കഴിയുമെന്ന് സംസ്ഥാനം തെളിയിച്ചിരിക്കുകയാണ്.

കോവിഡ് നിയന്ത്രണം കടുപ്പിക്കുന്നു: കോവിഡ് സബ് ഡിവിഷനുകള്‍ രൂപീകരിക്കും, ടാസ്‌ക് ഫോഴ്‌സ് പ്രവര്‍ത്തനം വിപുലീകരിക്കും

UPDATED2 hours ago

തിരുവനന്തപുരം: സംസ്ഥാനത്ത് കൊറോണ വൈറസ് വ്യാപനം ശക്തമാകുന്ന പശ്ചാത്തലത്തിൽ നിയന്ത്രണങ്ങൾ കടുപ്പിക്കാനൊരുങ്ങി പോലീസ്. കോവിഡ് പ്രതിരോധ പ്രവര്‍ത്തനങ്ങള്‍ ശക്തമാക്കുന്നതിന് ഡിവൈഎസ്പിമാരുടേയും അസിസ്റ്റന്റ് കമ്മീഷണര്‍മാരുടെയും നേതൃത്വത്തില്‍ കോവിഡ് സബ് ഡിവിഷനുകള്‍ രൂപീകരിക്കും. മേഖലയിലെ കോവിഡ് പ്രതിരോധപ്രവര്‍ത്തനങ്ങളുടെ ചുമതല കോവിഡ് സബ് ഡിവിഷണല്‍ ഓഫീസര്‍മാര്‍ക്കായിരിക്കും. സംസ്ഥാന പോലീസ് മേധാവി അനില്‍ കാന്ത് ഇതു സംബന്ധിച്ച നിര്‍ദ്ദേശം എല്ലാ ജില്ലാ പോലീസ് മേധാവിമാര്‍ക്ക് കൈമാറി. കണ്ടെയ്ന്‍മെന്റ് മേഖലയായി പ്രഖ്യാപിച്ചിരിക്കുന്ന സ്ഥലങ്ങളില്‍ മൈക്രോ കണ്ടെയ്ന്‍മെന്റ് സോണ്‍ രൂപീകരിച്ച് ഒരു വഴിയിലൂടെ മാത്രം യാത്ര അനുവദിക്കും. ഇതിനായി പഞ്ചായത്ത്, റവന്യൂ അധികൃതര്‍, സന്നദ്ധപ്രവര്‍ത്തകര്‍ എന്നിവരുടെ സഹായം തേടും.

'സ്വകാര്യ ഭാഗങ്ങളിലെ മുറിവ് ഉണങ്ങിയിരുന്നില്ല'; അനന്യയുടെ പോസ്റ്റ്‌മോർട്ടം റിപ്പോർട്ട് പോലീസിന് കൈമാറി

UPDATED3 hours ago

കൊച്ചി: കൊച്ചി ഇടപ്പള്ളിയിലെ ഫ്‌ളാറ്റിൽ തൂങ്ങി മരിച്ച നിലയിൽ കണ്ടെത്തിയ ട്രാൻസ്‌ജെൻഡർ ആക്ടിവിസ്റ്റ് അനന്യ കുമാരി അലക്സിന്റെ പോസ്റ്റ്മോർട്ടം റിപ്പോർട്ട് പോലീസിന് കൈമാറി. ഒരു വർഷം മുൻപ് നടന്ന ലിംഗമാറ്റ ശസ്ത്രക്രിയയെ തുടർന്ന് സ്വകാര്യ ഭാഗങ്ങളിൽ ഉണ്ടായ മുറിവ് ഇപ്പോഴും ഉണങ്ങിയിട്ടില്ലെന്നും പോസ്റ്റ്‌മോർട്ടം റിപ്പോർട്ടിൽ പറയുന്നു. പോസ്റ്റ്‌മോർട്ടം നടത്തിയ ഡോക്ടറുമായി അന്വേഷണ സംഘം സംസാരിക്കും. ചികിത്സ പിഴവ് ഉൾപ്പെടെയുള്ള വാദങ്ങളിൽ വ്യക്തത വരുത്തുന്നതിന് വേണ്ടിയാണിത്.

'ഇന്ത്യൻ പ്രതീക്ഷകൾക്ക് ഊർജം പകരും', മീരാഭായ്‌ ചാനുവിനെ കായികമന്ത്രി അഭിനന്ദിച്ചു

UPDATED4 hours ago

തിരുവനന്തപുരം: ഒളിമ്പിക്‌സിൽ വെയ്‌റ്റ്‌ലിഫ്‌റ്റിങ്ങിൽ വെള്ളി മെഡൽ നേടിയ മീരാഭായ്‌ ചാനുവിനെ കായിക മന്ത്രി വി അബ്‌ദുറഹിമാൻ അഭിനന്ദിച്ചു. ഒളിമ്പിക്‌സിന്റെ രണ്ടാം നാൾ തന്നെ മെഡൽ പട്ടികയിൽ ഇടംപിടിക്കാൻ രാജ്യത്തിന്‌ സാധിച്ചത്‌ മികച്ച നേട്ടമാണ്‌. ടോക്കിയോയിൽ ഇന്ത്യൻ പ്രതീക്ഷകൾക്ക്‌ ഊർജ്ജം പകരാൻ ചാനുവിന്റെ മെഡൽ നേട്ടം സഹായിക്കും.

സംസ്ഥാനത്ത് ടിപിആർ ഉയർന്നുതന്നെ, ഇന്ന് 11.91; 18,531 പേര്‍ക്ക് കോവിഡ്, 98 മരണം

UPDATED5 hours ago

തിരുവനന്തപുരം: സംസ്ഥാനത്ത് ഇന്ന് 18,531 പേര്‍ക്ക് കോവിഡ് 19 സ്ഥിരീകരിച്ചു. മലപ്പുറം 2816, തൃശൂര്‍ 2498, കോഴിക്കോട് 2252, എറണാകുളം 2009, പാലക്കാട് 1624, കൊല്ലം 1458, തിരുവനന്തപുരം 1107, കണ്ണൂര്‍ 990, ആലപ്പുഴ 986, കോട്ടയം 760, കാസര്‍ഗോഡ് 669, വയനാട് 526, പത്തനംതിട്ട 485, ഇടുക്കി 351 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,55,568 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 11.91 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്‍., ആര്‍.ടി. എല്‍.എ.എം.പി., ആന്റിജന്‍ പരിശോധന എന്നിവ ഉള്‍പ്പെടെ ഇതുവരെ ആകെ 2,61,06,272 സാമ്പിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 98 മരണങ്ങളാണ് കോവിഡ് 19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 15,969 ആയി.

സംസ്ഥാനത്ത് ശക്തമായ മഴ തുടരും, ഇന്ന് മൂന്ന് ജില്ലകളിൽ യെല്ലോ അലേർട്ട്

UPDATED5 hours ago

തിരുവനന്തപുരം: സംസ്ഥാനത്ത് രണ്ട് ദിവസം കൂടി ശക്തമായ മഴ തുടരും. അടുത്ത 3 മണിക്കൂറിൽ കേരളത്തിൽ ഇടുക്കി, എറണാകുളം, തൃശൂർ, പാലക്കാട്, മലപ്പുറം, വയനാട്, കണ്ണൂർ എന്നീ ജില്ലകളിലെ ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മുന്നറിയിപ്പിന്റെ അടിസ്ഥാനത്തിൽ ഇടുക്കി, മലപ്പുറം, കോഴിക്കോട്, വയനാട് ജില്ലകളിൽ ഇന്ന് ഓറഞ്ച് അലേർട്ട് പ്രഖ്യാപിച്ചു. ശക്തമായതോ അതിശക്തമായതോ ആയ മഴയാണ് പ്രവചിക്കപ്പെട്ടിരിക്കുന്നത്. ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 mm മുതൽ 204.4 mm വരെ മഴ ലഭിക്കാനുള്ള സാധ്യതയാണ് അതിശക്തമായ മഴ എന്നത് കൊണ്ട് അർത്ഥമാക്കുന്നത്. 24ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, കണ്ണൂർ, കാസറഗോഡ്.

സി.ബി.ഐ. ഉദ്യോഗസ്ഥര്‍ക്ക് നമ്പി നാരായണൻ ഏക്കറോളം ഭൂമി കൈമാറിയതെന്തിന്? ഐഎസ്ആർഒ ചാരക്കേസിൽ വീണ്ടും ദുരൂഹത

UPDATED6 hours ago

രാജ്യത്ത് ഏറെ വിവാദങ്ങൾ സൃഷ്ടിച്ച ഐഎസ്ആർഒ ചാരക്കേസിൽ വീണ്ടും ദുരൂഹത. കേസ് അന്വേഷിച്ചിരുന്ന സിപിഐയിലെ ഉദ്യോഗസ്ഥർക്ക് ഏക്കറോളം ഭൂമികൾ നമ്പി നാരായണൻ കൈമാറിയെന്ന് പറയപ്പെടുന്ന നിർണായക രേഖകളാണ് ഇപ്പോൾ പുറത്തുവരുന്നത്. 1995ല്‍ സി.ബി.ഐ. ചാരക്കേസ് അന്വേഷിക്കുമ്പോള്‍ ചെന്നൈ ആസ്ഥാനമായ ദക്ഷിണമേഖലയുടെ ചീഫായിരുന്ന ഡി.ഐ.ജി.രാജേന്ദ്രനാഥ് കൗള്‍ ഉൾപ്പെടെയുള്ളവർക്ക് ഭൂമി കൈമാറിയെന്നാണ് ആരോപണം.

എറണാകുളം ബൈപ്പാസിൽ ഓടിക്കൊണ്ടിരുന്ന കാറിന് മുകളിൽ മരം കടപുഴകി വീണു; പരിക്കില്ല

UPDATED10 hours ago

ശക്തമായ മഴയെ തുടർന്ന് എറണാകുളം ബൈപ്പാസിൽ ഓടിക്കൊണ്ടിരുന്ന കാറിന് മുകളിൽ മരം കടപുഴകി വീണു. ഇന്ന് രാവിലെ 8 മണിയോടെ ഇടപ്പള്ളിയ്ക്ക് സമീപം ദേശീയപാതയിലായിരുന്നു സംഭവം. അപകടത്തിൽ ആർക്കും പരിക്കില്ല.

Show More

ആരോഗ്യ പ്രവർത്തകരെ തടഞ്ഞുവച്ചതായി ആക്ഷേപം; സംഭവം കുപ്പപ്പുറം പ്രാഥമികാരോഗ്യ കേന്ദ്രത്തിൽ

ENGLISH EDITION

LATEST STORIES