ഭോപ്പാല്‍: ന്യൂഡല്‍ഹി-ഭോപ്പാല്‍ വന്ദേ ഭാരത് എക്‌സ്പ്രസ് പ്രധാനമന്ത്രി നരേന്ദ്ര മോദി ഫ്‌ളാഗ് ഓഫ് ചെയ്തു.പുതിയ വന്ദേ ഭാരത് എക്‌സ്പ്രസിന്റെ ഉദ്ഘാടനം ഏപ്രില്‍ ഒന്നിനാണെന്ന് പ്രഖ്യാപിക്കുമ്പോള്‍ കോണ്‍ഗ്രസിലെ സുഹൃത്തുക്കള്‍ ആ പ്രഖ്യാപനത്തെ പ്രധാനമന്ത്രി മോദിയുടെ ഏപ്രിള്‍ ഫൂള്‍ പരിപാടിയാണെന്ന് പരിഹസിച്ചിട്ടുണ്ടാവുമെന്ന കാര്യം തനിക്ക് ഉറപ്പാണെന്ന് മോദി പറഞ്ഞു.

എന്നാല്‍ ഏപ്രില്‍ ഒന്നിനു തന്നെ ട്രെയിന്‍ സര്‍വീസ് ആരംഭിച്ചത് ഏവരും കണ്ടതാണെന്നും തങ്ങളുടെ അനുഭവസമ്പത്തിന്റേയും ആത്മവിശ്വാസത്തിന്റേയും തെളിവാണതെന്നും മോദി കൂട്ടിച്ചേര്‍ത്തു.
മുന്‍സര്‍ക്കാരുകള്‍ വോട്ട് ബാങ്കുകളുടെ പ്രീണനത്തില്‍ മാത്രമാണ് ജാഗ്രത പുലര്‍ത്തിയിരുന്നത്, ജനങ്ങളുടെ ജീവിതം സുഗമമാക്കുന്നതില്‍ യാതൊരു ശ്രദ്ധയും നല്‍കിയിരുന്നില്ല.

അവര്‍ ഒരു കുടുംബത്തിന്റെ കാര്യത്തിനാണ് പ്രാഥമിക പരിഗണന നല്‍കിയത്.എന്നാൽ യാതൊരു പരിഹാരവും ഉണ്ടാകാനിടയില്ലെന്നറിയുന്നതിനാല്‍ 2014ന് മുമ്പ് റെയില്‍വേ സംബന്ധിയായ പരാതികള്‍ യാത്രക്കാര്‍ ഉന്നയിക്കാറുണ്ടായിരുന്നില്ലെന്നും മോദി പരിഹസിച്ചു.