ലണ്ടന്‍: നായ്ക്കളെ ലൈംഗികമായി പീഡിപ്പിച്ച് കൊലപ്പെടുത്തി ജന്തുശാസ്ത്രജ്ഞന്‍. ബ്രിട്ടനിലെ പ്രമുഖ ജന്തുശാസ്ത്രജ്ഞന്‍ ആദം ബ്രിട്ടണ്‍ ആണ് നായ്ക്കളെ പീഡിപ്പിച്ച് കൊന്നത്. മുതലകളെക്കുറിച്ചുള്ള പഠനത്തിലും ഇയാള്‍ വിദഗ്ധനാണ്.

മൃഗങ്ങളെ പീഡിപ്പിച്ചതിന്റെ ദൃശ്യങ്ങള്‍ ദൃശ്യങ്ങള്‍ ചിത്രീകരിച്ച് ആദം ഓണ്‍ലൈനിലും പങ്കുവച്ചിട്ടുണ്ട്. നായ്ക്കള്‍ മരിക്കുന്നത് വരെ അവയെ ലൈംഗികമായി പീഡിപ്പിച്ചുവെന്നാണ് ആദം ഓസ്ട്രേലിയന്‍ കോടതിയില്‍ പറഞ്ഞത്.

2022 ലാണ് ആദം അറസ്റ്റിലായത്. 18 മാസത്തിനുള്ളില്‍ ഇയാള്‍ പീഡിപ്പിച്ചത് 42 നായ്ക്കളെയാണ്. ഇവയില്‍ 39 എണ്ണവും ചത്തിരുന്നു. കുറ്റകൃത്യം ഏറെ ഹീനവും ഞെട്ടിപ്പിക്കുന്നതുമാണെന്ന് നോര്‍തേണ്‍ ടെറിട്ടറി സുപ്രീംകോടതി ജഡ്ജി നിരീക്ഷിച്ചു.

2014 മുതല്‍ ആദം സ്വന്തം വളര്‍ത്തുമൃഗങ്ങളെയും മറ്റുവള്ളവര്‍ പരിപാലിക്കാന്‍ ഏല്‍പ്പിച്ച മൃഗങ്ങളെയും പീഡിപ്പിച്ചിരുന്നു. ഒരു ഷിപ്പിങ് കണ്ടെയ്നര്‍ സജ്ജമാക്കി അതിനുള്ളിലാണ് ഇവയെ പീഡിപ്പിച്ചിരുന്നത്. കണ്ടെയ്‌നറിനുള്ളില്‍ വിഡിയോ റെക്കോര്‍ഡ് ചെയ്യാനുള്ള സൗകര്യം ഉണ്ടായിരുന്നു.

ജന്തുശാസ്ത്രത്തില്‍ പിഎച്ച്ഡി നേടിയ ആദം ചാള്‍സ് ഡാര്‍വിന്‍ സര്‍വകലാശാലയില്‍ അധ്യാപകനായിരുന്നു. മൃഗങ്ങളെ പീഡിപ്പിക്കുന്ന വിഡിയോ പുറത്തുവന്നതിനെ തുടര്‍ന്ന് 2022ലാണ് നോര്‍തേണ്‍ ടെറിട്ടറി പൊലീസ് ഇയാളെ അറസ്റ്റ് ചെയ്തത്. ഡിസംബറില്‍ കോടതി ശിക്ഷാവിധി പറയും.