OTHER STORIESCRICKET/FOOTBALL/OTHER

ടോക്യോ ഒളിമ്പിക്സ്: ബോക്‌സിങ്ങില്‍ ഇന്ത്യക്ക് തിരിച്ചടി, വികാസ് കൃഷ്ണയക്ക് പരാജയം

ടോക്യോ: ഒളിമ്പിക്സിൽ ഇന്ത്യൻ പ്രതീക്ഷകൾക്ക് മങ്ങലേറ്റ് ബോക്‌സിങ്ങില്‍ ഇന്ത്യയുടെ വികാസ് കൃഷ്ണയക്ക് പരാജയം. ജപ്പാന്റെ ഒകസാവക്കെതിരെയാണ് വികസിന്റെ തോൽവി. ഒരു റൗണ്ട് പോലും പിടിച്ചുനിൽക്കാൻ താരത്തിന് സാധിച്ചില്ല. പുരുഷന്‍മാരുടെ 69 കിലോ ഗ്രാം വെല്‍റ്റര്‍ വിഭാഗത്തില്‍ ആദ്യറൗണ്ടിലാണ് വികാസ് കൃഷ്ണ പരാജയപ്പെട്ടത്.

ടേബിള്‍ ടെന്നീസിന്റെ ആദ്യ റൗണ്ടില്‍ ഇന്ത്യന്‍ താരം മണിക ബത്രയ്ക്ക് ജയം; ഇന്ത്യയുടെ മെഡല്‍ പ്രതീക്ഷ

വനിതാ വിഭാഗം സിംഗിള്‍സ് ടേബിള്‍ ടെന്നിസിന്റെ ആദ്യ റൗണ്ടില്‍ ഇന്ത്യന്‍ താരം മണിക ബത്രയ്ക്ക് വിജയം. ബ്രിട്ടണിന്റെ ഹോ ടിന്‍ ടിന്നിനെയാണ് ബത്ര പരാജയപ്പെടുത്തിയത്.

ഇന്ത്യക്ക് ആദ്യ മെഡൽ; മീരാബായ് ചാനുവിന് ഭാരോദ്വഹനത്തിൽ വെള്ളി

ഒളിമ്പിക്സിൽ ഇന്ത്യയ്ക്ക് ആദ്യ മെഡൽ. ഭാരോദ്വഹനത്തിൽ മീരാബായ് ചാനുവാണ് വെള്ളി മെഡൽ നേടിയത്. വനിതകളുടെ വെയ്​റ്റ്​ലിഫ്​റ്റിങ്ങിൽ 49 കിലോ വിഭാഗത്തിലാണ്​ മീര ​രാജ്യത്തിനായി വെള്ളി മെഡലുറപ്പിച്ചത്​.

ഒളിംപിക്‌സില്‍ ആദ്യ സ്വര്‍ണം ചൈനയ്‌ക്ക്; നേടിയത് 10 മീറ്റര്‍ എയര്‍ റൈഫിളില്‍

ടോക്കിയോ ഒളിംപിക്‌സില്‍ ആദ്യ സ്വര്‍ണം ചൈനയ്‌ക്ക്. 10 മീറ്റര്‍ എയര്‍ റൈഫിളില്‍ ചൈനയുടെ യാങ് കിയാന്‍ സ്വര്‍ണം സ്വന്തമാക്കി. റഷ്യന്‍ താരം വെള്ളിയും സ്വിസ് താരത്തിന് വെങ്കലവും ലഭിച്ചു. അതേസമയം ഇന്ത്യന്‍ താരങ്ങളായ ഇളവേനിൽ വാളരിവനും അപുർവി ചന്ദേലയ്‌ക്കും ഫൈനലില്‍ ഇടംപിടിക്കാനായില്ല.

ഒളിമ്പിക്‌സ്: വനിതകളുടെ 10 മീറ്റര്‍ എയര്‍ റൈഫിളില്‍ ഇന്ത്യയ്ക്ക് നിരാശ

ഒളിമ്പിക്‌സിന്റെ രണ്ടാം ദിനം മെഡല്‍ പ്രതീക്ഷയുണ്ടായിരുന്ന വനിതകളുടെ 10 മീറ്റര്‍ എയര്‍ റൈഫിളില്‍ ഫൈനലിന് യോഗ്യത നേടാന്‍ സാധിക്കാതെ ഇന്ത്യ. വനിതകളുടെ 10 മീറ്റര്‍ എയര്‍ റൈഫിളില്‍ മെഡല്‍ പ്രതീക്ഷയായ ലോക ഒന്നാം നമ്പര്‍ താരം എളവേണില്‍ വാളറിവാന്‍, ലോക റെക്കോഡ് നേടിയ അപൂര്‍വി ചന്ദേല എന്നിവര്‍ ഫൈനലിന് യോഗ്യത നേടാന്‍ കഴിയാതെ പുറത്തായി.

32 വർഷങ്ങൾക്കു ശേഷം ഒളിമ്പിക്സ് വീണ്ടും ഓസ്ട്രേലിയയിൽ; 2032 ഒളിമ്പിക്സ് ഓസ്ട്രേലിയയിലെ ബ്രിസ്ബേനിൽ നടക്കും

നീണ്ട 32 വർഷങ്ങൾക്ക് ശേഷം ഒളിമ്പിക്സ് വീണ്ടും ഓസ്ട്രേലിയയിലേക്ക് തിരിച്ചെത്തുന്നു. 2032 ഒളിമ്പിക്സ് ഓസ്ട്രേലിയയിലെ ബ്രിസ്ബേനിൽ നടക്കുമെന്ന് അധികൃതർ അറിയിച്ചു. ടോക്യോയിൽ ചേർന്ന ഐഒസി യോഗത്തിലാണ് ഇത് സംബന്ധിച്ച തീരുമാനമായത്. ഇന്ത്യ, ഇന്തോനേഷ്യ, ഖത്തർ, സ്‌പെയിൻ, ജർമ്മനി എന്നീ രാജ്യങ്ങളും ഒളിമ്പിക്സ് വേദിക്കായി താത്പര്യം പ്രകടിപ്പിച്ച് മുന്നോട്ട് വന്നിരുന്നു. എന്നാൽ എതിരില്ലാതെ ഓസ്‌ട്രേലിയയെ തിരഞ്ഞെടുക്കുകയായിരുന്നു. 2032 ജൂലായ് 23 മുതൽ ആഗസ്റ്റ് 8 വരെയാണ് മത്സരങ്ങൾ നടക്കുക.