CRICKET

കോവിഡ് താളം തെറ്റിച്ചു, ലങ്കയ്ക്ക് ടി ട്വൻറി പരമ്പര

UPDATED18 hours ago

കൊളംബോ: ഇന്ത്യക്കെതിരായ ടി ട്വൻറി പരമ്പര സ്വന്തമാക്കി ശ്രീലങ്ക. കലാശപ്പോരാട്ടത്തിൽ ടോസ് നേടി ബാറ്റിംഗ് ആരംഭിച്ച ഇന്ത്യ നിശ്ചിത ഓവറിൽ 8 വിക്കറ്റ് നഷ്ടത്തിൽ 81 റൺസ് നേടിയപ്പോൾ ശ്രീലങ്ക 14.3 ഓവറിൽ 3 വിക്കറ്റു നഷ്ടത്തിൽ ലക്‌ഷ്യം മറികടന്നു. ദുർബലമായ വിജയലക്ഷ്യം പിന്തുടർന്ന ലങ്കയ്ക്ക് 12 റൺസിൽ ആവിശ്കാ ഫെർണാണ്ടോ, മിനോട് ഭാനുക 18, സദീര സമരവിക്രമ 6 എന്നിവരെയാണ് നഷ്ടമായത്. രാഹുൽ ചഹാറാണ് മൂന്ന് വിക്കറ്റുകളും സ്വന്തമാക്കിയത്. ആദ്യം ബാറ്റ് ചെയ്ത ഇന്ത്യക്ക് ഋതുരാജ് ഗെയ്ക്‌വാദ് (14), ശിഖർ ധവാൻ (0), ദേവദത്ത് പടിക്കൽ (9), സഞ്ജു സാംസൺ (0), നിതീഷ് റാണ (6), ഭുവനേശ്വർ കുമാർ (16) വരുൺ ചക്രവർത്തി (0), ചേതൻ സക്കറിയ (5) എന്നിവരാണ് പുറത്തായത്. ബൗളിങ്ങിൽ ലങ്കയ്ക്കായി ഹസാരങ്ക 4 വിക്കറ്റുകൾ നേടി.

അടിതെറ്റി ഇന്ത്യൻ യുവനിര, ലങ്കക്കെതിരെ ബാറ്റിംഗ് തകർച്ച; സഞ്ജുവും, ധവാനും 'ഡക്ക്' 55-6 (15 Ov) LIVE

UPDATED20 hours ago

കൊളംബോ: ശ്രീലങ്കക്കെതിരായ ടി ട്വൻറി പരമ്പരയിലെ കലാശപ്പോരാട്ടത്തിൽ ഇന്ത്യക്ക് ദയനീയ തുടക്കം. സ്‌കോർ ബോർഡിൽ 55 റൺസ് ചേർക്കുന്നതിനിടെ 6 വിക്കറ്റുകളാണ്‌ ഇന്ത്യ നഷ്ടപ്പെടുത്തിയത്. ഇന്ത്യൻ യുവനിര പരാജയമെന്ന് പറയാതെ വയ്യ. മത്സരത്തിൽ ടോസ് നേടി ബാറ്റിംഗ് ആരംഭിച്ച ഇന്ത്യ 15 ഓവറുകൾ പിന്നിടുമ്പോൾ 6 വിക്കറ്റ് നഷ്ടത്തിൽ 55 റൺസ് എന്ന നിലയിലാണ്. ഋതുരാജ് ഗെയ്ക്‌വാദ് (14), ശിഖർ ധവാൻ (0), ദേവദത്ത് പടിക്കൽ (9), സഞ്ജു സാംസൺ (0), നിതീഷ് റാണ (6), ഭുവനേശ്വർ കുമാർ (16) എന്നിവരാണ് പുറത്തായത്. കുൽദീപ് യാദവ് 10, രാഹുൽ ചഹാർ 6 എന്നിവരാണ് ക്രീസിൽ.

ഇന്ത്യ-ശ്രീലങ്ക രണ്ടാം ടി ട്വൻറി; നാല് താരങ്ങള്‍ ഇന്ത്യന്‍ ജഴ്‌സിയില്‍ അരങ്ങേറും, SL 34-0 (4.3 Ov) LIVE

UPDATED2 days ago

കൊളംബോ: ഇന്ത്യക്കെതിരായ ടി ട്വൻറി പരമ്പരയിലെ രണ്ടാം മത്സരത്തിൽ ടോസ് നേടിയ ശ്രീലങ്ക ആദ്യം ബൗൾ ചെയ്യും. ക്രുണാല്‍ പാണ്ഡ്യ കോവിഡ് പോസിറ്റീവ് ആയതിനെ തുടര്‍ന്ന് വൻ അഴിച്ചുപണിയുമായാണ് ടീം ഇന്ത്യ ഇന്ന് ലങ്കയെ നേരിടുന്നത്. നാല് താരങ്ങളാണ് ഇന്ത്യൻ ജേഴ്‌സിൽയിൽ ഇന്ന് അരങ്ങേറ്റം കുറിക്കുന്നത്. റുതുരാജ് ഗെയ്ക്ക്‌വാദ്, ദേവ്ദത്ത് പടിക്കല്‍, ചേതന്‍ സക്കറിയ, നിധീഷ് റാണ എന്നവരാണ് ആദ്യ മത്സരം കളിക്കുക. ക്രുണാല്‍ പാണ്ഡ്യയുമായി സമ്പർക്കം പുലർത്തിയ എട്ട് താരങ്ങൾ നിലവിൽ ഐസൊലേഷനിലാണ്.

ഇന്ത്യൻ ടീം പ്രതിസന്ധിയിൽ! ധവാനടക്കം 4 ബാറ്റ്സ്മാന്മാർ ഐസൊലേഷനിൽ

UPDATED2 days ago

കൊളംബോ: കോവിഡ് വ്യാപനം മൂലം ഇന്ത്യൻ ടീം പ്രതിസന്ധിയിൽ. ഓൾ റൗണ്ടർ കൃണാൽ പാണ്ഡ്യക്ക് കോവിഡ് സ്ഥിരീകരിച്ചതിന് പിന്നാലെ ശിഖർ ധവാനടക്കം 4 ബാറ്റ്സ്മാന്മാർ ഐസൊലേഷനിൽ. കൃണാൽ പാണ്ഡ്യ, ശിഖർ ധവാൻ, പൃഥ്വി ഷാ, സൂര്യകുമാർ യാദവ്, മനീഷ് പാണ്ഡേ, ഹർദ്ദിക് പാണ്ഡ്യ, കൃഷ്ണപ്പ ഗൗതം, യുസ്‌വേന്ദ്ര ചഹാൽ, ദേവദത്ത് പടിക്കൽ എന്നിവരാണ് നിലവിൽ ഐസൊലേഷനിൽ കഴിയുന്നത്. ബാക്കപ്പ് താരങ്ങൾ ആരും ഇല്ലാത്തതുകൊണ്ട് തന്നെ ഇന്ത്യക്ക് ഫൈനൽ ഇലവനെ തിരഞ്ഞെടുക്കൽ ഏറെ ബുദ്ധിമുട്ടാവും. നിലവിലെ സാഹചര്യത്തിൽ ശ്രീലങ്കയ്ക്കെതിരായ മാറ്റിവെച്ച രണ്ടാം ടി ട്വൻറി മത്സരം പ്രതിസന്ധിയിലാകും.

Show More