ദോഹ: ഖത്തര്‍ ലോകകപ്പില്‍ ഇന്ന് സ്വിറ്റ്സര്‍ലന്‍ഡ് കാമറൂണിനെ നേരിടും. അല്‍ ജനൂബ് സ്റ്റേഡിയത്തില്‍ അല്‍പസമയത്തിനകം മത്സരം ആരംഭിക്കും. യോഗ്യതാ റൗണ്ടില്‍ പരാജയത്തിന്റെ രുചി അറിയാതെയാണ് സ്വിസ് സംഘം ഖത്തറിലേക്കുള്ള ടിക്കറ്റുറപ്പിച്ചത്.

അടുത്ത കാലത്തെല്ലാം മികച്ച പ്രകടനമാണ് സ്വിറ്റ്സര്‍ലന്‍ഡ് കാഴ്ചവെക്കുന്നത്. ടീം കഴിഞ്ഞ നാല് ലോക കപ്പുകളിലും പ്രീ ക്വാര്‍ട്ടറില്‍ കടന്നിരുന്നു.എന്നാല്‍ ഇതുവരെ ലോകകപ്പില്‍ പ്രീ ക്വാര്‍ട്ടര്‍ മറികടക്കാന്‍ സ്വിറ്റ്സര്‍ലന്‍ഡിന് സാധിച്ചിട്ടില്ല.

ഈ വിടവ് നികത്താനായിരിക്കും അല്‍ ജനൂബില്‍ ഇത്തവണ സ്വിസ് ശ്രമിക്കുക.യൂറോപ്യന്‍ ലീഗുകളില്‍ കരുത്ത് തെളിയിച്ച മൗമി എന്‍ഗമല, ടോക്കോ എകമ്പി, സാമ്പോ അയ്സ്, ആന്‍ഡ്രെ ഒനാന അടക്കമുളള താരങ്ങള്‍ ഇത്തവണ കാമറൂണ്‍ സ്‌ക്വാഡിലുണ്ട്.

അടുത്ത കാലത്ത് വലിയ മുന്നേറ്റമില്ലാതിരുന്ന കാമറൂണിന് ഇത്തവണ മികച്ച മുന്നേറ്റതാരങ്ങളുടെ സാന്നിധ്യമുണ്ടെന്നത് ഗുണകരമാണ്.