FOOTBALL

ടോക്യോ ഒളിമ്പിക്സ്: അർജന്റീനയ്ക്ക് അവിശ്വസനീയ തോൽവി, ബ്രസീലിനു ജയം

UPDATEDa week ago

ടോക്യോ: ടോക്യോ ഒളിമ്പിക്സ് ഫുട്‍ബോൾ മത്സരത്തിൽ അർജന്റീനയ്ക്ക് ഞെട്ടിക്കുന്ന തോൽവി. ഗ്രൂപ്പ് ഘട്ടത്തിലെ ആദ്യ മത്സരത്തില്‍ ഓസ്‌ട്രേലിയയാണ് അര്‍ജന്റീനയെ പരാജയപ്പെടുത്തിയത്. എതിരില്ലാത്ത രണ്ട് ഗോളിനായിരുന്നു അര്‍ജന്റീനയുടെ തോല്‍വി. രണ്ടാം മത്സരത്തില്‍ ഈജിപ്താണ് അര്‍ജന്റീനയുടെ എതിരാളികള്‍. ഈജിപ്തിനെ കൂടാതെ സ്‌പെയിനും അര്‍ജന്റീനയുടെ ഗ്രൂപ്പിലുണ്ട്. 14-ാം മിനിറ്റില്‍ വെയ്ല്‍സിലൂടെയാണ് ഓസ്‌ട്രേലിയ ലീഡെടുത്തത്. 80-ാം മിനിറ്റില്‍ മാര്‍കോ ടിലിയോയിലൂടെ ഓസ്‌ട്രേലിയ രണ്ടാം ഗോളും നേടി. ഗ്രൗണ്ടിലിറങ്ങി 30 സെക്കന്റിനുള്ളിലാണ് ടിലിയോ ഗോള്‍ കണ്ടെത്തിയത്.

ആര് നേടും കോപ്പ? അർജന്റീനvsബ്രസീൽ, ആവേശ ഫൈനലിന് മണിക്കൂറുകൾ മാത്രം

UPDATED3 weeks ago

ലോകമെമ്പാടുമുള്ള ഫുട്‍ബോൾ ആരാധകർ ആവേശത്തോടെ കാത്തിരിക്കുന്ന കോപ്പ അമേരിക്ക ആവേശ ഫൈനലിന് ഇനി ഏതാനും മണിക്കൂറുകൾ മാത്രം. അർജന്റീനയും, ബ്രസീലും ഇത് അഞ്ചാം തവണയാണ് പ്രധാന ഫൈനലുകളില്‍ ഏറ്റുമുട്ടുന്നത്. നാല് ഫൈനലുകളിൽ മൂന്ന് തവണയും ജയം ബ്രസീലിനായിരുന്നു. ഇക്കുറി ഇരുവരും നേർക്കുനേർ ഏറ്റുമുട്ടുമ്പോൾ അർജന്റീനയ്ക്ക് ജയം അനിവാര്യമാണ്. അതേസമയം ആരാധകർക്ക് മുന്നിൽ ജയം മാത്രമാകും ബ്രസീലിന്റെയും ലക്ഷ്യം. 1937ൽ നടന്ന കോപ്പ അമേരിക്ക ഫൈനലിൽ ഇരു ടീമുകളും ഏറ്റുമുട്ടിയപ്പോൾ കിരീടം സ്വന്തമാക്കിയത് അർജന്റീനയാണ്. അർജന്റീന 2 ഗോളുകൾ നേടിയപ്പോൾ, ബ്രസീലിന് ഗോളുകൾ നേടാനായില്ല.

കോപ്പ അമേരിക്ക: പെറുവിനെ തകര്‍ത്ത് കൊളംബിയ മൂന്നാം സ്ഥാനമുറപ്പിച്ചു

UPDATED3 weeks ago

കോപ്പ അമേരിക്ക ഫുട്‌ബോള്‍ ടൂര്‍ണമെന്റിൽ പെറുവിനെ തകര്‍ത്ത് കൊളംബിയ മൂന്നാംസ്ഥാനം ഉറപ്പിച്ചു. രണ്ടിനെതിരേ മൂന്നു ഗോളുകള്‍ക്കായിരുന്നു കൊളംബിയയുടെ ജയം. ലൂയിസ് ഡിയാസ് ഇരട്ട ഗോളുമായി തിളങ്ങി. ഇന്‍ജുറി ടൈമിലായിരുന്നു കൊളംബിയയുടെ വിജയം കുറിച്ച ഡിയാസിന്റെ രണ്ടാം ഗോള്‍. ആദ്യ പകുതിക്ക് തൊട്ടുമുമ്പ് യോഷിമിര്‍ യോടുണിലൂടെ പെറുവാണ് ആദ്യം മുന്നിലെത്തിയത്. കുയെവയുടെ പാസില്‍ നിന്നായിരുന്നു ഗോള്‍. രണ്ടാം പകുതിയുടെ തുടക്കത്തില്‍ തന്നെ കൊളംബിയ ഗോള്‍ മടക്കി. 49-ാം മിനിറ്റില്‍ യുവാന്‍ ക്വഡ്രാഡോയാണ് ഫ്രീകിക്കിലൂടെ അവര്‍ക്കായി സ്‌കോര്‍ ചെയ്തത്. പിന്നാലെ 66-ാം മിനിറ്റില്‍ ലൂയിസ് ഡിയാസിന്റെ ആദ്യ ഗോളില്‍ കൊളംബിയ ലീഡെടുത്തു.

Show More