ദീപാവലി ആഘോഷത്തിന് പിന്നാലെ ദില്ലിയിൽ വായുമലിനീകരണ തോത് കുത്തനെ വർധിച്ചു ; കൃത്രിമ മഴ പെയ്യിക്കാനൊരുങ്ങി ഭരണകൂടം

ദില്ലി: ദീപാവലി ആഘോഷങ്ങൾ കഴിഞ്ഞതോടുകൂടി  ദില്ലിയിൽ  വായുമലിനീകരണ തോത് കുത്തനെ കൂടി നഗരത്തിൽപ്രതിസന്ധി രൂക്ഷമാകുന്നു . വായുഗുണനിലവാരം മൂന്നൂറ്റി അൻപത് ആണ് രേഖപ്പെടുത്തിയത് .

പ്രതിസന്ധി രൂക്ഷമായതോടുകൂടി  കൃത്രിമ മഴ പെയ്യിച്ച് മലിനീകരണം കുറയ്ക്കാന്‍ ദില്ലി സര്‍ക്കാര്‍ നടപടികൾ ആരംഭിച്ചു .പരിധി വിട്ട ദീപാവലി ആഘോഷം ദില്ലിയെ വളരെയധികം  ശ്വാസം മുട്ടിച്ചിരിക്കുകയാണ് .

നിയന്ത്രണങ്ങൾ മറികടന്നും ദിവസങ്ങളോളം വ്യാപകമായി പടക്കം പൊട്ടിച്ചതും, അയൽ സംസ്ഥാനങ്ങളിലെ പാടങ്ങളിൽ വൈക്കോൽ കത്തിക്കുന്നത് വ്യാപകമായതുമാണ് മലിനീകരണ തോത് കുത്തനെ കൂട്ടിയത്.

നാലിടങ്ങളിൽ മലിനീകരണ തോത് നാനൂറ് കടന്ന് ഗുരുതര അവസ്ഥയിലെത്തി. അനുവദിനീയമായതിനേക്കാൾ പത്തിരട്ടിവരെ മലിനീകരണ തോത് ഉയർന്നിരിക്കുകയാണ്.

കൃത്രിമ മഴ മഴ പെയ്യിച്ച് മലിനീകരണം കുറയ്ക്കാന്‍ സര്‍ക്കാര്‍ നടപടികൾ തുടങ്ങി. കേന്ദ്ര കാലാവസ്ഥാ വകുപ്പിന്‍റെ അനുമതി ലഭിച്ചാൽ വെള്ളിയാഴ്ചയ്ക്കും ഞായറാഴ്ചക്കുമിടയില്‍ കൃത്രിമ മഴ  പെയ്യിക്കുമെന്നു ദില്ലി പരിസ്ഥിതി മന്ത്രി മൻജീന്ദർ സിംഗ് സിർസ പറഞ്ഞത്.