ദീപാവലി ആഘോഷങ്ങള്‍ക്കിടെ കാര്‍ബൈഡ് ഗണ്‍ പൊട്ടിത്തെറിച്ചു 14 കുട്ടികള്‍ക്ക് കാഴ്ചശക്തി നഷ്ടപ്പെട്ടു, നൂറോളം പേര്‍ക്ക് ഗുരുതരമായ പരിക്ക്

ഭോപ്പാല്‍: മധ്യപ്രദേശില്‍ ദീപാവലി ആഘോഷങ്ങള്‍ക്കിടെ കാര്‍ബൈഡ് ഗണ്‍ പൊട്ടിച്ച 14 കുട്ടികള്‍ക്ക് കാഴ്ചശക്തി നഷ്ടപ്പെട്ടു.

 122 കുട്ടികളുടെ കണ്ണിന് ഗുരുതരമായി പരിക്കേറ്റതായും റിപ്പോര്‍ട്ട്.

 ദീപാവലി ആഘോഷങ്ങള്‍ക്കിടെ കുട്ടികള്‍'കാര്‍ബൈഡ് ഗണ്‍' ഉപയോഗിച്ച് കളിച്ചിരുന്നു.

 ടിന്‍ പൈപ്പുകളും വെടിമരുന്നും ഉപയോഗിച്ച് നിര്‍മ്മിച്ച ഈ തോക്ക് പൊട്ടി കുട്ടികളുടെ മുഖത്തിനും കണ്ണുകള്‍ക്കും ഗുരുതരമായി പരിക്കേല്‍ക്കുകയയായിരുന്നു.

 സമാന രിതിയിലുള്ള അപടമുണ്ടായി നൂറിലേറെ കുട്ടികള്‍ ആശുപത്രികളില്‍ ചികിത്സയിലാണ്.

കാഴ്ചശക്തി നഷ്ടപ്പെട്ട 14 കുട്ടികള്‍ ഉള്‍പ്പെടെ 120-ലധികം കുട്ടികളെ മൂന്ന് ദിവസത്തിനുള്ളില്‍ ഗുരുതരമായ പരിക്കുകളോടെ മധ്യപ്രദേശിലെ ആശുപത്രികളില്‍ പ്രവേശിപ്പിച്ചിട്ടുണ്ട്.

സംസഥാനത്ത് വിദിഷ ജില്ലയിലാണ് കൂടുതല്‍ അപകടങ്ങള്‍ സംഭവിച്ചത്.

 ഒക്ടോബര്‍ 18 ന് സര്‍ക്കാര്‍ ഏര്‍പ്പെടുത്തിയ നിരോധനം വകവയ്ക്കാതെ പ്രാദേശിക വിപണികളില്‍ കാര്‍ബൈഡ് തോക്കുകളുടെ വില്‍പന നടന്നതായാണ് റിപ്പോര്‍ട്ട്.