ചില സാഹചര്യങ്ങളിൽ പറയാൻപാടില്ലാത്ത വാക്കുകൾ വന്നുപോയിട്ടുണ്ടെന്നും സി പി ഐ സഖാക്കൾ സഹോദരങ്ങളാണെന്നും എം എ ബേബി പറഞ്ഞു

ന്യൂഡൽഹി: പിഎം ശ്രീ പദ്ധതിയുമായി ബന്ധപ്പെട്ട ധാരണാപത്രം ഒപ്പുവെച്ചതിനെപ്പറ്റി മന്ത്രിസഭാ ഉപസമിതി വിശദമായി പരിശോധിക്കുമെന്ന് സിപിഎം ജനറൽ സെക്രട്ടറി  എംഎ ബേബി.

ധാരണാപത്രം പിൻവലിക്കുന്നതിൽ കേന്ദ്രസർക്കാർ അനുകൂല തീരുമാനം എടുത്തില്ലെങ്കിൽ സംസ്ഥാനത്തിന് തിരിച്ചടിയാകില്ലേയെന്ന മാധ്യമങ്ങളുടെ ചോദ്യത്തിന്, ഉപസമിതി അതിന്റെ ജോലി ചെയ്യുന്ന മുറയ്ക്ക് ഇത്തരം കാര്യങ്ങളിലെല്ലാം വ്യക്തത ഉണ്ടാകുമെന്ന് എംഎ ബേബി പറഞ്ഞു.

സിപിഐ സഖാക്കളെന്നു പറഞ്ഞാൽ സഹോദരന്മാരെപ്പോലെയാണ്. സംസാരിക്കുന്നതിന് ഇടയ്ക്ക് പ്രത്യേക സാഹചര്യത്തിൽ ചില വാക്കുകൾ വായിൽ നിന്നും വീണത്, അതിന് ആ അർത്ഥമേ ഉള്ളൂവെന്ന് മനസ്സിലാക്കാൻ അവർക്കും തനിക്കും കഴിയുമെന്നും എംഎ ബേബി പറഞ്ഞു.