ക്രിപ്റ്റോ കറൻസിയെ ഇന്ത്യൻ നിയമം അനുശാസിക്കുന്ന ആസ്തിയായി കണക്കാക്കാമെന്ന് മദ്രാസ് ഹൈക്കോടതി വ്യക്തമാക്കി

 ചെന്നൈ: ക്രിപ്റ്റോ കറന്‍സിയെ  ഇന്ത്യന്‍ നിയമം അനുശാസിക്കുന്ന ആസ്തിയായി കണക്കാക്കാമെന്ന് മദ്രാസ് ഹൈക്കോടതി ഉത്തരവ് .

 സ്വന്തമാക്കാനും വിപണനം ചെയ്യാനും നിക്ഷേപിക്കാനും കഴിയുന്ന ആസ്തിയായി ക്രിപ്റ്റോ കറന്‍സിയെ പരിഗണിക്കാം. ക്രിപ്റ്റോ കറന്‍സി ഇടപാടു നടത്തുന്ന സ്ഥാപനങ്ങള്‍ സാധാരണ സാമ്പത്തിക ഇടപാടുകള്‍ക്ക് ബാധകമായ എല്ലാ മാര്‍ഗനിര്‍ദേശങ്ങളും പിന്തുടരണമെന്നും ജസ്റ്റിസ് ആനന്ദ് വെങ്കടേഷിന്റെ ബെഞ്ച് വ്യക്തമാക്കി.

 ക്രിപ്റ്റോ കറന്‍സി നിക്ഷേപ അക്കൗണ്ട് മരവിപ്പിച്ച നടപടിക്കെതിരേ ചെന്നൈയില്‍നിന്നുള്ള നിക്ഷേപക നല്‍കിയ ഹര്‍ജിയിലാണ് കോടതിവിധി. ഹര്‍ജിക്കാരിയുടെ നിക്ഷേപത്തിന് ഇടക്കാലസംരക്ഷണം നല്‍കാന്‍ കോടതി ഉത്തരവിട്ടു.