നിയമസഭ തെരഞ്ഞെടുപ്പ് നടക്കുന്ന ബിഹാറില്‍ കോണ്‍ഗ്രസിന്റെ താര പ്രചാരകരുടെ പട്ടികയില്‍ നിന്നും ശശി തരൂര്‍ പൂറത്ത്

പട്‌ന: നിയമസഭ തെരഞ്ഞെടുപ്പ് നടക്കുന്ന ബിഹാറിൽ കോൺഗ്രസിന്റെ താര പ്രചാരകരുടെ പട്ടികയിൽ നിന്നും ശശി തരൂർ പൂറത്ത്.

കോൺഗ്രസ് നേതൃത്വം വ്യാഴാഴ്ച പ്രഖ്യാപിച്ച 40 താരപ്രചാരകരുടെ ലിസ്റ്റിനെച്ചൊല്ലി കോൺഗ്രസിനുള്ളിലും അതൃപ്തി പുകയുകയാണ്.

ദേശീയ അധ്യക്ഷൻ മല്ലികാർജുൻ ഖാർഗെ, രാഹുൽഗാന്ധി, പ്രിയങ്കാഗാന്ധി തുടങ്ങിയവരാണ് കോൺഗ്രസ് പ്രചാരണത്തെ നയിക്കുന്നത്.

 രാഹുലിന്റെ പ്രചാരണത്തിന് ഇന്നു തുടക്കം കുറിക്കുകയാണ്.ബിഹാർ പ്രദേശ് കോൺഗ്രസ് കമ്മിറ്റിയുമായി (ബിപിസിസി) കൂടിയാലോചിച്ചാണ് കേന്ദ്ര തെരഞ്ഞെടുപ്പ് കമ്മിറ്റി (സിഇസി) പട്ടിക തയ്യാറാക്കിയതെന്നാണ് വിശദീകരണം.

 എല്ലാത്തരത്തിലുള്ള ആളുകളേയും ആകർഷിക്കാൻ കഴിയുന്ന തരത്തിലുള്ള, മുതിർന്നവരും യുവനേതാക്കളും ഉൾപ്പെടുന്ന സന്തുലിത സംഘത്തെയാണ് തെരഞ്ഞെടുത്തിട്ടുള്ളത്.

താഴെത്തട്ടിൽ സജീവമായി പ്രവർത്തിക്കുന്നവരും യുവാക്കളുമായും പ്രാദേശിക വോട്ടർമാരുമായും നേരിട്ട് ബന്ധപ്പെടാൻ കഴിയുന്നവരുമായ നേതാക്കൾക്കാണ് ഊന്നൽ നൽകിയതെന്നുമാണ് നേതൃത്വം പറയുന്നത്.