ഇന്ത്യയുടെ അന്‍പത്തിമൂന്നാമത് ചീഫ് ജസ്റ്റിസായി സൂര്യകാന്ത് ചുമതലയേല്‍ക്കും.

ന്യൂഡൽഹി: ജസ്റ്റിസ് സൂര്യകാന്ത് രാജ്യത്തിന്റെ അടുത്ത ചീഫ് ജസ്റ്റിസ് ആയി ചുമതല ഏൽക്കാനൊരുങ്ങുന്നു .

 ഇത് സംബന്ധിച്ച ശുപാർശ കേന്ദ്രത്തിന് നിലവിലെ ചീഫ് ജസ്റ്റിസ് ബിആർ ഗവായ് കേന്ദ്രത്തിന് കൈമാറി. ബിആർ ഗവായിക്ക് ശേഷം സുപ്രീം കോടതിയിലെ ഏറ്റവും സീനിയർ ജസ്റ്റിസാണ് സൂര്യകാന്ത്.

നവംബർ 23നാണ് നിലവിലെ ചീഫ് ജസ്റ്റിസ് ആയ ബിആർ ഗവായ്  സ്ഥാനമൊഴിയുക. 24ന് ഇന്ത്യയുടെ അൻപത്തിമൂന്നാമത് ചീഫ് ജസ്റ്റിസായി സൂര്യകാന്ത് ചുമതലയേൽക്കും. ജസ്റ്റിസ് സൂര്യകാന്ത് 2027 ഫെബ്രുവരി ഒൻപത് വരെ പദവിയിൽ തുടരും

.38ാം വയസിൽ ഹരിയാനയുടെ പ്രായംകുറഞ്ഞ അഡ്വക്കറ്റ് ജനറലായാണ് സൂര്യകാന്ത് കരിയർ തുടങ്ങിയത്. 2004ൽ 42ാം വയസിൽ പഞ്ചാബ്-ഹരിയാന ഹൈക്കോടതി ജഡ്ജിയായി. ജഡ്ജിയായി ചേർന്നതിന് ശേഷവും അദ്ദേഹം പഠനം തുടർന്നു.2011ൽ എൽഎൽബി മാസ്റ്റേഴ്‌സ് ബിരുദദാരിയായി. 14 വർഷം ഹൈകോടതി ജഡ്ജിയുടെ പദവിവഹിച്ച അദ്ദേഹം 2018 ഹിമാചൽപ്രദേശ് ചീഫ് ജസ്റ്റിസായി. 2019 മെയ് 24നാണ് സുപ്രീംകോടതിയിലേക്ക് എത്തുന്നത്.