ford left india

FORD SINCE 1903: ഫോർഡ് ഇന്ത്യ വിടുമ്പോൾ... റീസെയിൽ വാല്യുവിലുണ്ടാകുന്ന പതനം തിരിച്ചടിയാകും

അമേരിക്കൻ കാറുകളുടെ മാന്ത്രികത എന്താണെന്ന് ഇന്ത്യക്കാർ അറിഞ്ഞുതുടങ്ങിയത് 1995 ൽ ഫോർഡ് ഇന്ത്യയിലെത്തിയതോടെയാണ്. 1903 ൽ അമേരിക്കയിൽ ആരംഭിച്ച കമ്പനിക്ക് ഇന്ത്യയിലെത്താൻ 92 വർഷങ്ങൾ പിന്നിടേണ്ടി വന്നു. ഫോർഡിന്റെ മോഡലുകൾ ഓടിക്കുന്നതിന് ഇന്ത്യക്കാർക്ക് ഇന്നും പ്രത്യേക ഇഷ്ടമുണ്ട്. ഫിയസ്റ്റ, ഫിഗോ, ഇക്കോ സ്‌പോർട്ട്, എൻഡവർ തുടങ്ങി നിരത്തുകൾ കീഴടക്കിയ എത്രയെത്ര വാഹനങ്ങൾ. പെരുത്തിഷ്ടം ഏത് മോഡലിനോടെന്ന് ചോദിച്ചാൽ മൗനം പാലിച്ച് നിൽക്കേണ്ടി വരും. കാരണം എല്ലാം ഒന്നിനൊന്ന് മെച്ചം. ആ ഫോർഡാണ് ഒരു സുപ്രഭാതത്തിൽ പെട്ടെന്ന് ഇന്ത്യ വിടാൻ ഒരുങ്ങുന്നത്. ഇന്ത്യയിലെ നിലവിലെ രണ്ട് പ്ലാന്റുകളും അടച്ചുപൂട്ടും. രണ്ട് ബില്യൺ ഡോളറാണ് ഫോർഡ് ഇന്ത്യയുടെ പ്രവർത്തന നഷ്ടം.