kottiyoor temple

കൊട്ടിയൂര്‍ വൈശാഖ മഹോത്സവം

പരശുരാമകല്പിതമായ യാഗം മുടങ്ങിയതിനു ശേഷം വളരെക്കാലം ഈ യാഗഭൂമി വനഭൂമിയായിക്കിടന്നു. അങ്ങിനെയിരിക്കെ ഒരു ദിവസം കാനനവാസിയായ ഒരു കുറിച്യൻനായാട്ടിനായി ഈ വനമേഖലയിൽ എത്തുകയും, തന്റെ അമ്പ് മൂർച്ച കൂട്ടാനായി അടുത്തു കണ്ട ഒരു കല്ലിൽ ശക്തമായി ഉരയ്ക്കുകയും ചെയ്തു. അത്ഭുതമെന്ന് പറയട്ടെ കല്ലിൽ നിന്നും ധാരധാരയായി രക്തം ഒഴുകാൻ തുടങ്ങി ഭയചകിതനായ ആ കാനനവാസി ആരോടാണ് ഈ വിവരം പറയേണ്ടതെന്നറിയാതെ പരിഭ്രമിച്ച് ഓടാൻ തുടങ്ങി. പേടിച്ചരണ്ട ആ കുറിച്യയുവാവ് ചെന്നെത്തിയത് പടിഞ്ഞീറ്റ നമ്പൂതിരിയുടെ ഇല്ലത്തായിരുന്നു.