lord sree krishna

'അമ്മുക്കുട്ട്യമ്മേടെ മാല ആദ്യം ചാർത്തുന്നത് ഒരു സുഖാണ്. കണ്ണനും അതാ ഇഷ്ടം'; ശ്രീ കൃഷ്ണ കഥകൾ...

ഒരു കൊച്ചു ഗ്രാമത്തിലെ ശ്രീകൃഷ്ണ ക്ഷേത്രത്തിനടുത്ത് കൃഷ്ണഭക്തയായ ഒരമ്മൂമ്മ താമസിച്ചിരുന്നു. അമ്മൂമ്മയുടെ വീടിനു മുന്നിൽ വലിയ നെൽപ്പാടമാണ്. അതിന്റെ മറുകരയിലാണ് കൃഷ്ണ ക്ഷേത്രം. അമ്മൂമ്മയ്ക്ക് സ്വന്തമെന്നു പറയാൻ ആരും ഉണ്ടായിരുന്നില്ല. ഒറ്റയ്ക്കാണ് താമസം. സദാ പുഞ്ചിരി തൂകുന്ന അമ്മൂമ്മയെ കാണുന്നതു തന്നെ എല്ലാവര്‍ക്കും സന്തോഷമാണ്. അമ്മൂമ്മ എന്നും രാവിലെ നേരത്തെ എഴുന്നേററ് വീടും പരിസരവും വൃത്തിയാക്കി കുളിച്ചു വന്ന് തുളസിയും തെച്ചിയും പിച്ചകവും പറിച്ച് കണ്ണന് അതിമനോഹരമായ മാലകെട്ടും. കണ്ണന് മാലകെട്ടാനായി അമ്മൂമ്മ ഇതെല്ലാം സ്വന്തം വീട്ടുമുറ്റത്ത് നട്ടു വളർത്തിയതാണ്. ആ മാലയും കൊണ്ട് കൃഷ്ണനാമങ്ങൾ ഉരുവിട്ടുകൊണ്ട് വയൽ വരമ്പിലൂടെ നടന്ന് ക്ഷേത്രത്തില്‍ എത്തും. അമ്മൂമ്മയുടെ മാലയും കാത്ത് ശാന്തിക്കാരന്‍ തിരുമേനി അക്ഷമയോടെ നില്ക്കുന്നുണ്ടാവും.