sreekanteswaram temple

പരശുരാമനാല്‍ പ്രതിഷ്ഠിക്കപ്പെട്ട ശ്രീകണ്‌ഠേശ്വരം മഹാദേവക്ഷേത്രം; ഐതിഹ്യം ഇങ്ങനെ

തിരുവിതാംകൂര്‍ ദേവസ്വം ബോര്‍ഡിന്റെ കീഴിലുള്ള ശ്രീകണ്‌ഠേശ്വരം മഹാദേവ ക്ഷേത്രം തിരുവനന്തപുരം ജില്ലയിലാണ് സ്ഥിതി ചെയ്യുന്നത്. പരശുരാമനാല്‍ പ്രതിഷ്ഠിക്കപ്പെട്ടു എന്ന് ഐതിഹ്യമുള്ള ക്ഷേത്രം നഗരത്തില്‍ കിഴക്കേ കോട്ടയ്ക്കു സമീപം നിലകൊള്ളുന്നു. പുരാതന കേരളത്തിലെ 108 ശിവക്ഷേത്രങ്ങളില്‍ പറയുന്ന വഞ്ചിയൂരാണ് ഈ മഹാദേവക്ഷേത്രം. അനന്തപുരിയിലെ പുകള്‍പെറ്റ ക്ഷേതങ്ങളില്‍ പ്രധാനമാണ് ശ്രീകണ്‌ഠേശ്വരം ക്ഷേത്രം. 5ാം നൂറ്റാണ്ടിന് മുന്‍പ് തന്നെ ഈ ക്ഷേത്രമുണ്ടായിരുന്നുവെന്ന് വിശ്വാസം. രണ്ടു ശ്രീകണ്‌ഠേശ്വരം ക്ഷേത്രമുണ്ടിവിടെ, പഴയ ശ്രീകണ്‌ഠേശ്വരവും, പുതിയ ശ്രീകണ്‌ഠേശ്വരവും. പഴയ ശ്രീകണ്‌ഠേശ്വരം ക്ഷേത്രത്തില്‍ സ്വയംഭൂ ശിവലിംഗമാണ് പ്രതിഷ്ഠ. പരശുരാമന്‍ പ്രതിഷ്ഠ നടത്തിയത് പഴയ ശ്രീകണ്‌ഠേശ്വരത്താണ്. ഏകദേശം 700 വര്‍ഷങ്ങള്‍ക്കുമുന്‍പ് പഴയ ശ്രീകണ്‌ഠേശ്വരം ക്ഷേത്രത്തിലെ കഴകക്കാരിയായ ഒരു സ്ത്രീ തന്റെ കലവും ചൂലും പുതിയ ശിവക്ഷേത്രമിരിക്കുന്ന സ്ഥലത്ത് പതിവായി വയ്ക്കുമായിരുന്നു.