ജി.എല്‍.അനില്‍ നാഥ്

കുമാരസ്വാമി കേരളത്തിലേയ്ക്ക്; തിരക്കൊഴിഞ്ഞ തിരുനടയില്‍ കച്ചവടക്കാര്‍ ത്രിശങ്കുവില്‍

പൂവാര്‍: നവരാത്രി പൂജകള്‍ക്കായി തക്കല വേളിമല കുമാര കോവിലിലെ കുമാരസ്വാമി കേരളത്തിലേക്ക് പോയതോടെ തിടപ്പള്ളിയില്‍ നടയടച്ചു. ശ്രീകോവില്‍ തുറന്ന് ദീപം തെളിയിക്കുമെങ്കിലും ദര്‍ശനത്തിനെത്തുന്നവര്‍ വിരളം. ഭക്തജനത്തിരക്കില്ലാതായതോടെ കോവില്‍ പരിസരത്ത് പൂജാദ്രവ്യങ്ങളും മറ്റ് അനുബന്ധ സാധനങ്ങളും കച്ചവടം നടത്തി ജീവിച്ചിരുന്ന അറുപതിലധികം കച്ചവടക്കാര്‍ക്ക് നിത്യവൃത്തിക്ക് വേറെ വഴി തേടുകയാണ്. ഇവരില്‍ പൂക്കച്ചവടം ചെയ്യുന്നവരാണധികവും. കുമാരസ്വാമിക്ക് കാഴ്ച്ച വക്കുന്ന പഴവര്‍ഗ്ഗങ്ങളും പൂജാ സാധനങ്ങളുമടങ്ങിയ തട്ട കച്ചവടക്കാരും തുണിത്തരങ്ങള്‍, പച്ചക്കറി, മറ്റ് കുടില്‍ വ്യവസായ ആഹാരസാധനങ്ങള്‍ എന്നിവ വിറ്റ് ഉപജീവനം നടത്തിയിരുന്നവരുമാണ് മറ്റ് തൊഴിലുകള്‍ കണ്ടെത്തേണ്ട സ്ഥിതിയിലായത്.