/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/09/25/horo-2025-09-25-20-13-36.jpg)
മകരക്കൂറിന് (ഉത്രാടം 2,3,4 പാദങ്ങള്, തിരുവോണം, അവിട്ടം 1,2 പാദങ്ങള്)
ഒമ്പതാമെടത്തില് നിന്നും പത്താം ഭാവത്തിലേക്ക് ചൊവ്വ സംക്രമിക്കുന്നു. തൊഴിലിടത്തില് സംതൃപ്തി കുറയാനിടയുണ്ട്. കരുതിയ കാര്യങ്ങള് ചെയ്യാന് കഴിഞ്ഞേക്കില്ല. ആസൂത്രണ മികവ് ഫലിച്ചുകൊള്ളണമെന്നില്ല. പുതിയ കാര്യങ്ങളുടെ നിര്വഹണത്തില് വിഘ്നം ഭവിക്കും. ബിസിനസ്സ് യാത്രകള് കൊണ്ട് പ്രതീക്ഷിച്ച നേട്ടം കൈവന്നേക്കില്ല. സരളമായും സുഗമമായും അനുഭവപ്പെട്ടിരുന്ന കാര്യങ്ങള് സങ്കീര്ണ്ണമായി തോന്നും.
മകരക്കൂറിന് (ഉത്രാടം 2,3,4 പാദങ്ങള്, തിരുവോണം, അവിട്ടം 1,2 പാദങ്ങള്)
വിദ്യാര്ത്ഥികളുടെയും പഠന നിലവാരത്തില് അദ്ധ്യാപകര് ആശങ്കരേഖപ്പെടുത്താം. ഗവേഷകര്ക്ക് 'ഇരുട്ടില് തപ്പുന്ന' പ്രതീതിണ്ടാവുന്നതാണ്. തീര്ത്ഥാടനത്തില് നിന്നും പിന്മാറാനിടയുണ്ട്. എത്ര കിണഞ്ഞു ശ്രമിച്ചാലും ഭൗതികസാഹചര്യങ്ങള് മെച്ചപ്പെടാത്തതില് വിഷമമുണ്ടാവും. ഭൂമിവാങ്ങാനോ/ ഗൃഹനിര്മ്മാണം ആരംഭിക്കാനോ കാത്തിരിക്കേണ്ടി വരുന്നതാണ്. അനുരാഗികള്ക്കിടയില് 'ego' യുണ്ടാവും. തന്മൂലം താത്കാലികമായെങ്കിലും ശൈഥില്യം ഏര്പ്പെടാം.
കുംഭക്കൂറിന് (അവിട്ടം 3,4 പാദങ്ങള്, ചതയം, പൂരൂരുട്ടാതി 1,2,3 പാദങ്ങള്)
അഷ്ടമത്തില് നിന്നും ചൊവ്വ മാറുന്നത് വലിയ ആശ്വാസമാണ്. എങ്കിലും ചിലദോഷഫലങ്ങള് ഭവിക്കാം. ഒമ്പതിലെ ചൊവ്വ ഭാഗ്യഭ്രംശം ഉണ്ടാക്കും. സ്വയം പ്രതീക്ഷിച്ച സ്ഥാനക്കയറ്റം സഹപ്രവര്ത്തകന് ലഭിക്കുന്നതില് വിഷമിക്കും. നല്ല അവസരങ്ങള് 'കപ്പിനും ചുണ്ടിനുമിടയില്' ഊര്ന്നുപോകാം. കലാകാരന്മാരുടെ കഴിവുകള്ക്ക് അര്ഹിക്കുന്ന അംഗീകാരം ലഭിച്ചേക്കില്ല. സാമ്പത്തിക തട്ടിപ്പുകളില് പെടാതിരിക്കാന് ശ്രദ്ധിക്കണം. തറവാടിന്റെ ഭാഗം നടന്നേക്കും. എന്നാല് അര്ഹതയുള്ളത് ലഭിക്കാന് തര്ക്കിക്കേണ്ടി വരുന്നതാണ്.
കുംഭക്കൂറിന് (അവിട്ടം 3,4 പാദങ്ങള്, ചതയം, പൂരൂരുട്ടാതി 1,2,3 പാദങ്ങള്)
മാതാപിതാക്കളുടെ ആരോഗ്യകാര്യത്തില് കരുതലുണ്ടാവണം. ഉപാസനാദികള് തടസ്സപ്പെടുന്നതിന് സാധ്യത കാണുന്നു. പൊതുപ്രവര്ത്തകര് അപവാദങ്ങളെ നേരിടും. ബിസിനസ്സില് ഉണര്വുണ്ടായേക്കില്ല. വിദ്യാര്ത്ഥികള്ക്ക് പരീക്ഷകളില് പ്രതീക്ഷിച്ചത്ര മാര്ക്ക് ലഭിക്കില്ല. കരാര് പണികളില് സന്ദിഗ്ധതയുണ്ടാവും. സഹോദരാനുകൂല്യം കുറയാം. പരുക്കന് സ്വഭാവത്താല് സുഹൃത്തുക്കള് വിരോധികളായേക്കും. വരുമാനമാര്ഗങ്ങള് വിപുലീകരിക്കാനുള്ള ശ്രമങ്ങള്ക്ക് മാന്ദ്യം നേരിടും.
മീനക്കൂറിന് (പൂരൂരുട്ടാതി നാലാംപാദം, ഉത്രട്ടാതി, രേവതി)
ചൊവ്വ തുലാംരാശിയില് സഞ്ചരിക്കുമ്പോള് ദോഷഫലങ്ങള് കൂടുതലായി വന്നുചേരുക തുലാക്കൂറുകാര്ക്കും വൃശ്ചികക്കൂറുകാര്ക്കും പിന്നെ മീനക്കൂറുകാര്ക്കും ആണ്. മീനക്കൂറില് ജനിച്ചവര് ഇപ്പോള് ഒരുവിധത്തിലുള്ള സാഹസങ്ങള്ക്കും മുതിരരുത്. മൗനം ഭൂഷണം എന്നത് ആപ്തവാക്യം പോലെ മുറുകെ പിടിക്കണം.
മീനക്കൂറിന് (പൂരൂരുട്ടാതി നാലാംപാദം, ഉത്രട്ടാതി, രേവതി)
വാഹനം, അഗ്നി, യന്ത്രം, വൈദ്യുതി ഇവ ഉപയോഗിക്കുമ്പോള് നല്ലവണ്ണം കരുതല് വേണ്ടതുണ്ട്. ആരോഗ്യപരിരക്ഷ യ്ക്ക് പ്രാമുഖ്യം നല്കണം. ചെറുതോ വലുതോ ആയ കാര്യങ്ങളില് പോലും ആസൂത്രണവും ഏകോപനവും കുറ്റമറ്റതാവണം. എങ്കില് തന്നെയും തടസ്സങ്ങള് ഉണ്ടായേക്കാം. നവസംരംഭങ്ങള് തുടങ്ങരുത്. നവജാതശിശുക്കള്ക്ക് ബാലാരിഷ്ടയേറും. നിയമ വ്യവസ്ഥകള് ഉറപ്പായും പാലിക്കണം. കളവ് പോകാനിടയുള്ളതിനാല് പേഴ്സ്, ബാങ്കിംഗ് കാര്ഡുകള്, മൊബൈല് ഇത്യാദികള് സൂക്ഷിക്കണം. ജാതകമനുസരിച്ച് അനുകൂലമായ സമയമാണെങ്കില് ചൊവ്വയുടെ ഗോചരഫലത്തിലുള്ള ദോഷങ്ങള് ലഘൂകരിക്കപ്പെടും.