പുതിയ ഇലക്ട്രിക് സ്‌കൂട്ടറുകള്‍ വിപണിയില്‍ അവതരിപ്പിച്ച് ജിടി ഫോഴ്‌സ്

ന്യൂഡല്‍ഹി: ജിടി ഫോഴ്‌സ് തങ്ങളുടെ ഏറ്റവും പുതിയ ഇലക്ട്രിക് സ്‌കൂട്ടറുകള്‍ വിപണിയില്‍ അവതരിപ്പിച്ചു. പുതിയ ഇലക്ട്രിക് സ്‌കൂട്ടര്‍ ശ്രേണിയില്‍ ജിടി വെഗാസ്, ജിടി റൈഡ് പ്ലസ്, ജിടി വണ്‍ പ്ലസ് പ്രോ, ജിടി ഡ്രൈവ് പ്രോ എന്നീ നാല് മോഡലുകള്‍ ഉള്‍പ്പെടുന്നു. ലൈനപ്പിന്റെ എക്‌സ്-ഷോറൂം വില 55,555 മുതല്‍ 84,555 രൂപ വരെയാണ്. ഇ-സ്‌കൂട്ടര്‍ ലൈനിന് അഞ്ച് വര്‍ഷം അല്ലെങ്കില്‍ 60,000 കിലോമീറ്റര്‍ വാറന്റിയും ഇത് വാഗ്ദാനം ചെയ്യുന്നു.

ജിടി റൈഡ് പ്ലസ് സുഗമമായ രൂപകല്‍പ്പനയും കരുത്തുറ്റ 2.2 കിലോവാട്ട് ലിഥിയം-അയണ്‍ ബാറ്ററിയുമാണ് വരുന്നത്. 95 കിലോമീറ്ററാണ് വാഹനത്തിന് കമ്പനി അവകാശപ്പെടുന്നത്. കൂടാതെ, ഈ സ്‌കൂട്ടര്‍ ഒരേ സെറ്റ് ഫീച്ചറുകളും അതേ വെഗാസ് എഞ്ചിന്‍ കോണ്‍ഫിഗറേഷനുമായാണ് വരുന്നത്. ഇതിന് 65,555 രൂപയാണ് വില. നീല, വെള്ളി, ഗ്രേ നിറങ്ങളില്‍ സ്‌കൂട്ടറുകള്‍ ലഭ്യമാണ്.

ഉയര്‍ന്ന വേഗത ഇഷ്ടപ്പെടുന്നവര്‍ക്കായി, ജിടി ഫോഴ്സ് ജിടി വണ്‍പ്ലസും ജിടി ഡ്രൈവ് പ്രോയും വാഗ്ദാനം ചെയ്യുന്നു. ജിടി വണ്‍പ്ലസിന് 70 മൈല്‍ വേഗതയും ഉയര്‍ന്ന ലോഡ് കപ്പാസിറ്റിയുമുണ്ട്. ജിടി വണ്‍പ്ലസിന് 800 എംഎം സാഡില്‍ ഉയരവും 210 എംഎം ഗ്രൗണ്ട് ക്ലിയറന്‍സും 80 കിലോ ഭാരവുമുണ്ട്. ജിടി വണ്‍പ്ലസ് പ്രോയ്ക്ക് വിപണിയില്‍ 76,555 രൂപയാണ് വില, നീല, വെള്ള, ചുവപ്പ്, തവിട്ട് നിറങ്ങളില്‍ ലഭ്യമാണ്. 84,555 രൂപ വിലയുള്ള ജിടി വണ്‍പ്ലസിന് സമാനമായ സവിശേഷതകളാണ് ജിടി ഡ്രൈവ് പ്രോ വാഗ്ദാനം ചെയ്യുന്നത്.