പരിസ്ഥിതി സൗഹൃദ സംരംഭത്തിന്റെ ഭാഗമായി നിസാന്‍ ഏഴ് ഡീലര്‍ഷിപ്പുകളില്‍ സോളാര്‍ ഇലക്ട്രിക് സിസ്റ്റം സ്ഥാപിക്കുന്നു

ലോക പരിസ്ഥിതി ദിനത്തോടനുബന്ധിച്ച് നിസ്സാന്‍ മോട്ടോര്‍ ഇന്ത്യ നിരവധി പരിസ്ഥിതി സംരംഭങ്ങള്‍ പ്രഖ്യാപിച്ചിട്ടുണ്ട്. രാജ്യത്തുടനീളമുള്ള ഏഴ് ഡീലര്‍ഷിപ്പുകളില്‍ ഗ്രിഡ് അധിഷ്ഠിത സോളാര്‍ വൈദ്യുതി ഉല്‍പ്പാദന സംവിധാനങ്ങള്‍ ഡീലര്‍മാര്‍ സ്ഥാപിച്ചിട്ടുണ്ട് - അക്വിറ്റി നിസ്സാന്‍ (ബറോഡ), ആരവ് നിസ്സാന്‍ (മെഹ്സാന), ഇവിഎം നിസ്സാന്‍ (കേരളത്തിലെ മൂന്ന് ഡീലര്‍ഷിപ്പുകള്‍), ദാദ നിസ്സാന്‍ (ജലന്ധര്‍), റോഷന്‍ നിസ്സാന്‍ (ജയ്പൂര്‍).

വര്‍ക്ക്‌ഷോപ്പിന്റെയും ഷോറൂമിന്റെയും 100% പ്രവര്‍ത്തനങ്ങളും ഈ ഇന്‍സ്റ്റാളേഷനുകള്‍ വഴിയാണ് നടത്തുന്നത്, അധിക ഊര്‍ജ്ജം പിന്നീടുള്ള ഉപയോഗത്തിനായി പവര്‍ ഗ്രിഡിലേക്ക് തിരിച്ചുവിടുന്നു. പരമ്പരാഗത ഊര്‍ജ്ജ സ്രോതസ്സുകളോടുള്ള ആശ്രിതത്വം കുറയ്ക്കുന്നതിനും ശുദ്ധമായ ഡീലര്‍ഷിപ്പ് പ്രവര്‍ത്തനങ്ങളിലേക്കുള്ള നിസ്സാന്റെ നീക്കത്തിന് ഉദാഹരണമാണെന്നുമാണ് കമ്പനി അവകാശപ്പെടുന്നത്.ജൂണ്‍ 5 ന് രാജ്യവ്യാപകമായി എല്ലാ ഡീലര്‍ഷിപ്പുകളിലും വര്‍ക്ക്ഷോപ്പുകളിലും നിസ്സാന്‍ ഒരു വൃക്ഷത്തൈ നടീല്‍ പരിപാടിയും നടത്തും. ഓരോരുത്തര്‍ക്കും ഓരോ തൈ നടാന്‍ നല്‍കും. ആ തൈകളില്‍ ഉപഭോക്താവിന്റെ പേരും വാഹന നമ്പറും ടാഗ് ചെയ്യും, ഇത് ഒരു ഗ്രീന്‍ ഫ്യൂച്ചറിലേക്കുളള  സംഭാവനയുടെ പ്രതീകമായി നല്‍കും. ഡീലര്‍ഷിപ്പ് പരിസരത്ത് കൂടുതല്‍ വൃക്ഷത്തൈ നടീല്‍ പ്രോത്സാഹിപ്പിക്കുന്നതിനായി പങ്കെടുക്കുന്നവര്‍ക്ക് 'ഗ്രീന്‍ സര്‍വീസ് സര്‍ട്ടിഫിക്കറ്റ്', വിത്ത് പാക്കറ്റുകള്‍ എന്നിവയും ലഭിക്കും. കൂടാതെ, ഉത്തരവാദിത്തമുള്ള പാരിസ്ഥിതിക രീതികളോടുള്ള വിശാലമായ പ്രതിബദ്ധത ശക്തിപ്പെടുത്തുന്നതിനായി നിസ്സാന്‍ പാക്കേജിംഗ് പ്ലാസ്റ്റിക് ഉപയോഗം 15% കുറച്ചു.
അടുത്തിടെ, നിസ്സാന്‍ മോട്ടോര്‍ ഇന്ത്യ 74,999/ രൂപയുടെ അധിക ചെലവില്‍ പുതിയ നിസ്സാന്‍ മാഗ്‌നൈറ്റിനായി സര്‍ക്കാര്‍ അംഗീകൃത സിഎന്‍ജി റിട്രോഫിറ്റ്‌മെന്റ് കിറ്റ് അവതരിപ്പിച്ചു. സുസ്ഥിരതയെക്കുറിച്ച് അവബോധമുള്ളവരും പരിസ്ഥിതി ബോധമുള്ളവരുമായ ഉപഭോക്താക്കള്‍ക്കായി രൂപകല്‍പ്പന ചെയ്തിരിക്കുന്ന സിഎന്‍ജി കിറ്റ് പരമ്പരാഗത ഇന്ധനങ്ങള്‍ക്ക് പകരം  ഒരു ബദല്‍ വാഗ്ദാനം ചെയ്യുന്നു, പ്രകടനത്തില്‍ വിട്ടുവീഴ്ച ചെയ്യാതെ മെച്ചപ്പെട്ട ഇന്ധനക്ഷമത നല്‍കുന്നു. റോള്‍ഔട്ടിന്റെ ആദ്യ ഘട്ടത്തില്‍, ഡല്‍ഹി-എന്‍സിആര്‍, ഹരിയാന, ഉത്തര്‍പ്രദേശ്, മഹാരാഷ്ട്ര, ഗുജറാത്ത്, കേരളം, കര്‍ണാടക എന്നിവയുള്‍പ്പെടെ ഏഴ് സംസ്ഥാനങ്ങളില്‍ റിട്രോഫിറ്റ്‌മെന്റ് കിറ്റ് ലഭ്യമാണ്.