പ്രതീകാത്മക ചിത്രം
മുംബൈ: ഇന്ത്യയിലെ പ്രമുഖ ഫുഡ് ബ്രാന്ഡായ ഹാല്ദിറാമിനെ ഏറ്റെടുക്കാന് ഒരുങ്ങി അമേരിക്കന് നിക്ഷേപക സ്ഥാപനമായ ബ്ലാക്ക് സ്റ്റോണ്. 1937ല് രാജസ്ഥാനിലെ ബിക്കാനീറില് അഗര്വാള് കുടുംബം ആരംഭിച്ച കമ്പനിയുടെ 51 ശതമാനം ഓഹരികള് വാങ്ങാനായി ബ്ലാക്ക് റോക്ക് ഉള്പ്പെടെയുള്ള കണ്സോര്ഷ്യം 40,000 കോടി രൂപയുടെ താത്പര്യപത്രം നല്കിയതായാണ് വിവരം. കമ്പനിക്ക് 70,000-78,000 കോടി രൂപ മൂല്യം കണക്കാക്കിയാണ് ഡീല്.
കഴിഞ്ഞ സെപ്റ്റംബര് മുതല് ഏറ്റെടുക്കല് ചര്ച്ചകള് നടക്കുന്നുണ്ടെങ്കിലും റസ്റ്റോറന്റിന്റെ ഉടമസ്ഥാവകാശത്തെയുംം ബ്രാന്ഡ് ലൈസന്സിനെയും സംബന്ധിച്ച പ്രശ്നങ്ങള് മൂലമാണ് തീരുമാനമാകാതിരുന്നത്.
ഏറ്റെടുക്കലിനു ശേഷം കമ്പനിയുടെ നിയന്ത്രണാവകാശവും പ്രോഡക്ട് ബിസിനസിന്റെ ലൈസന്സും ബ്ലാക്ക് സ്റ്റോണിന്റെ അധീനതയിലാകുമെന്നാണ് വിലയിരുത്തല്. കമ്പനിയുടെ ബ്രാന്ഡ് അവകാശവും റസ്റ്റോറന്റുകളുടെ പ്രവര്ത്തനവും അഗര്വാള് കുടുംബത്തിന് തന്നെയായിരിക്കും.
ഹാല്ദിറാമിന് നാഗ്പൂര്, ഡല്ഹി എന്നിവിടങ്ങള് ആസ്ഥാനമാക്കി രണ്ട് വിഭാഗങ്ങളുണ്ട്. നാഗ്പൂര് ആസ്ഥാനമായുള്ള ഹാര്ദിറാം ഫുഡിന് കഴിഞ്ഞ സാമ്പത്തിക വര്ഷത്തില് 3,622 കോടി രൂപയായിരുന്നു വരുമാനം. ഡല്ഹി കേന്ദ്രമാക്കിയുള്ള ഹാല്ദിറാം സ്നാക്ക്സിന് 5,600 കോടി രൂപയും വരുമാനമുണ്ട്.