ബിഎസ്എന്‍എല്‍  വരിക്കാരുടെ എണ്ണം  കുറഞ്ഞു

കഴിഞ്ഞ ജൂലൈയില്‍ സ്വകാര്യ മൊബൈല്‍ കമ്പനികളുടെ താരിഫ് വര്‍ധനയ്ക്ക് ശേഷമുള്ള 4 മാസത്തിനിടെ മാത്രം 68 ലക്ഷം പുതിയ വരിക്കാരെയാണ് ബിഎസ്എന്‍എല്‍ നേടിയത്. നവംബറില്‍ വരിക്കാരെ നഷ്ടമായി.

author-image
Athira Kalarikkal
New Update
bsnl

Representational Image

ന്യൂഡല്‍ഹി: ബിഎസ്എന്‍എല്‍ വരിക്കാരുടെ എണ്ണത്തില്‍ വന്‍ ഇടിവ്. 4 മാസത്തിന് ശേഷമാണ് ബിഎസ്എന്‍എല്ലിന് ഈ തിരിച്ചടി. കഴിഞ്ഞ ജൂലൈയില്‍ സ്വകാര്യ മൊബൈല്‍ കമ്പനികളുടെ താരിഫ് വര്‍ധനയ്ക്ക് ശേഷമുള്ള 4 മാസത്തിനിടെ മാത്രം 68 ലക്ഷം പുതിയ വരിക്കാരെയാണ് ബിഎസ്എന്‍എല്‍ നേടിയത്. എന്നാല്‍ നവംബറിലെ ടെലികോം റെഗുലേറ്ററി അതോറിറ്റിയുടെ കണക്കുപ്രകാരം 3.4 ലക്ഷം വരിക്കാരെ നഷ്ടമായി.

താരിഫ് വര്‍ധന മൂലമുണ്ടായ നേട്ടം ബിഎസ്എന്‍എലിന് പതിയെ നഷ്ടമാകുന്നുവെന്ന് വ്യക്തമാകുന്നതാണ് കണക്കുകള്‍. 4 മാസത്തിനിടെ 1.65 കോടി വരിക്കാരെ നഷ്ടപ്പെട്ട റിലയന്‍സ് ജിയോയ്ക്ക് നവംബറില്‍ 12.12 ലക്ഷം വരിക്കാരെ പുതിയതായി ലഭിച്ചു. ഒക്ടോബറില്‍ 19.28 ലക്ഷം വരിക്കാരെ നേടിയ എയര്‍ടെല്‍ കമ്പനിക്ക് നവംബറില്‍ 11.36 ലക്ഷം വരിക്കാരെ നഷ്ടമായി. 4 മാസത്തിനിടെ 68.19 ലക്ഷം കണക്ഷനുകള്‍ നഷ്ടമായ വോഡഫോണ്‍ഐഡിയയ്ക്ക് ഇക്കുറി 15.02 ലക്ഷം പേരെ കൂടി നഷ്ടമായി.കേരളത്തില്‍ ബിഎസ്എന്‍എലിന് 23,990 ഉപയോക്താക്കളെ നഷ്ടമായി.

 

bsnl loss