/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/member_avatars/2025/01/24/2025-01-24t111056647z-bijuks.png )
/kalakaumudi/media/media_files/2025/01/17/ARur1sdLhfpzy3rzEEsC.jpg)
Nirmala Sitaraman
ന്യൂഡല്‍ഹി: ജിഎസ്ടി പരിഷ്‌കാരങ്ങള്‍ മൂലമുള്ള വരുമാനനഷ്ടം നികത്തപ്പെടില്ലെന്ന സംസ്ഥാനങ്ങളുടെ പരാതികള്‍ക്ക് മറുപടിയായി ധനമന്ത്രി നിര്‍മലാ സീതാരാമന്‍. ജിഎസ്ടി കൗണ്‍സിലിലെ സമവായത്തിലൂടെയാണ് തീരുമാനമെടുത്തതെന്നും പിരിവ് കാര്യക്ഷമമായി നടത്തിയില്ലെങ്കില്‍ പണം നല്‍കാന്‍ കേന്ദ്രം ഒരു വലിയ സ്യൂട്ട്‌കേസ് കൈവശം വച്ചിട്ടില്ലെന്നും കേന്ദ്രവും സംസ്ഥാനങ്ങളും ഇതില്‍ പങ്കാളികളാണെന്നും വരുമാനത്തിലെ ഇടിവ് എല്ലാവരെയും ബാധിക്കുമെന്നും അവര്‍ പറഞ്ഞു.
ജിഎസ്ടി പരിഷ്‌കാരങ്ങള്‍ മൂലമുണ്ടാകുന്ന നഷ്ടങ്ങള്‍ക്ക് കേന്ദ്രം നഷ്ടപരിഹാരം നല്‍കണമെന്ന് ജാര്‍ഖണ്ഡ്, പഞ്ചാബ് സംസ്ഥാനങ്ങളിലെ മന്ത്രിമാര്‍ ആവശ്യപ്പെട്ടതിനെക്കുറിച്ച് ചോദിച്ചപ്പോഴാണ് ഇക്കാര്യം പറഞ്ഞത്. ജിഎസ്ടി പരിഷ്‌കരണത്തില്‍ പ്രധാന സ്ലാബുകള്‍ നാലില്‍ നിന്ന് രണ്ടായി കുറയ്ക്കുകയും നിരവധി ഉല്‍പ്പന്നങ്ങളുടെ നിരക്ക് കുറയ്ക്കുകയും ചെയ്തിരുന്നു.
സെപ്റ്റംബര്‍ 4 ന് ജിഎസ്ടി കൗണ്‍സില്‍ യോഗം അവസാനിച്ചതിനുശേഷം താന്‍ ആദ്യം ചെയ്തത് വിവിധ പാര്‍ട്ടികളില്‍ നിന്നും സംസ്ഥാനങ്ങളില്‍ നിന്നുമുള്ള മന്ത്രിമാരായ കൗണ്‍സില്‍ അംഗങ്ങള്‍ക്ക് നന്ദി പറയുകയായിരുന്നുവെന്ന് ധനമന്ത്രി ചൂണ്ടിക്കാട്ടി. എല്ലാവരുടെയും സമ്മതമില്ലാതെ പരിഷ്‌കാരങ്ങള്‍ സാധ്യമാകുമായിരുന്നില്ലെന്നും അവര്‍ പറഞ്ഞു.
യോഗത്തില്‍ ഒരു സംഘര്‍ഷവും ഉണ്ടായില്ലെന്നും അവര്‍ വ്യക്തമാക്കി. എല്ലാവരും യോജിച്ചാണ് തീരുമാനമെടുത്തത്. 2022 ജൂണ്‍ മുതല്‍ സംസ്ഥാനങ്ങള്‍ക്ക് നഷ്ടപരിഹാരം ലഭിക്കുന്നില്ലെന്നും, പിരിക്കുന്ന നഷ്ടപരിഹാര സെസ് കോവിഡ് പാന്‍ഡെമിക് സമയത്ത് എടുത്ത വായ്പ തിരിച്ചടയ്ക്കാന്‍ ഉപയോഗിക്കുന്നുണ്ടെന്നും അവര്‍ ചൂണ്ടിക്കാട്ടി.
നഷ്ടപരിഹാര നഷ്ടമല്ല പ്രശ്‌നം. വരുമാനം കുറയുന്നതാണ് പ്രശ്‌നം, അതില്‍ അഭിപ്രായ വ്യത്യാസം നിലനിന്നിരുന്നു. സംസ്ഥാനങ്ങളുടെ വരുമാനം കുറയുമെന്ന് പറഞ്ഞു. പിരിവുകള്‍ കുറഞ്ഞാല്‍, നമ്മുടെ എല്ലാ കാര്യക്ഷമതയും മെച്ചപ്പെടുത്തേണ്ടിവരും. അങ്ങനെ വെട്ടിപ്പ് നിയന്ത്രിക്കപ്പെടും. നമുക്ക് ആവശ്യമുള്ളതെല്ലാം നമ്മള്‍ ശേഖരിക്കും.
ജിഎസ്ടി പിരിവില്‍ കാര്യക്ഷമമല്ലെങ്കില്‍ പണം നല്‍കാന്‍ കഴിയുന്ന ഒരു വലിയ സ്യൂട്ട്‌കേസുമായി കേന്ദ്രം ഇരിക്കുന്നില്ല. സംസ്ഥാനങ്ങള്‍ക്ക് വരുമാനം നഷ്ടപ്പെട്ടാല്‍ കേന്ദ്രത്തിനും ഒരുപോലെ വരുമാനം നഷ്ടപ്പെടും. കേന്ദ്രവും സംസ്ഥാനങ്ങളും തമ്മിലുള്ള വ്യത്യാസമല്ല പ്രധാനം. സംസ്ഥാനങ്ങള്‍ക്ക് നഷ്ടപ്പെട്ടാല്‍ കേന്ദ്രത്തിനും കുറയും. പിരിവ് മെച്ചപ്പെടുത്തുന്നതിനുള്ള ഒരു മാര്‍ഗം നാമെല്ലാവരും കണ്ടെത്തേണ്ടതുണ്ടെന്നും ധനമന്ത്രി വ്യക്തമാക്കി.