ട്രംപില്‍ അടിതെറ്റി വീണ് ഇന്ത്യന്‍ വിപണി

ബാങ്കിംഗ്, ഓട്ടോ, മെറ്റല്‍, ഐടി ഓഹരികളിലെ നഷ്ടം മൂലം തുടര്‍ച്ചയായ അഞ്ചാം സെഷനിലും ഇന്ത്യന്‍ ഓഹരി സൂചികകള്‍ ഇടിഞ്ഞു. സെന്‍സെക്‌സ് 1,018.20 പോയിന്റ് അഥവാ 1.32 ശതമാനം ഇടിഞ്ഞ് 76,293.60 ല്‍ അവസാനിച്ചു. നിഫ്റ്റി 309.80 പോയിന്റ് അഥവാ 1.32 ശതമാനം ഇടിഞ്ഞ് 23,071.80 ല്‍ ക്ലോസ് ചെയ്തു. ദുര്‍ബലമായ ആഭ്യന്തര വരുമാനവും യുഎസ് വ്യാപാര നയത്തെക്കുറിച്ചുള്ള ആശങ്കകളും വിപണിയുടെ ഇടിവിന് കാരണമായി.  സെന്‍സെക്‌സ് ഓഹരികളില്‍ ഭാരതി എയര്‍ടെല്‍ മാത്രമാണ് ഇന്ന് നേട്ടമുണ്ടാക്കിയത്.നിഫ്റ്റി മിഡ്ക്യാപ്പ് സൂചിക 2.88 ശതമാനവും സ്‌മോള്‍ക്യാപ്പ് സൂചിക 3.40 ശതമാനവും ഇടിഞ്ഞു. 
ആഗോള വിപണികള്‍. ഏഷ്യന്‍ വിപണികളില്‍, ഷാങ്ഹായും ഹോങ്കോങ്ങും താഴ്ന്നപ്പോള്‍ സിയോള്‍ ഉയര്‍ന്ന നിലയിലായിരുന്നു. യൂറോപ്യന്‍ വിപണികള്‍ കൂടുതലും താഴ്ന്ന നിലയിലായിരുന്നു വ്യാപാരം. തിങ്കളാഴ്ച യുഎസ് വിപണികള്‍ നേട്ടത്തില്‍ അവസാനിച്ചു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയില്‍ 1.15 ശതമാനം ഉയര്‍ന്ന് ബാരലിന് 76.74 ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം 63 പൈസ ഉയര്‍ന്ന് 86.82 ല്‍ അവസാനിച്ചു.